ரொனால்டோவா இருந்தாலும் மாஸ்க் போடணும் !

போர்ச்சுகல் நாட்டின் கால்பந்தாட்ட வீரர் கிறிஸ்டியானோ ரொனால்டோவை மாஸ்க் அணிய அறிவுறுத்திய வீடியோ ஒன்று வைரலாகி வருகிறது.

உலகின் புகழ்பெற்ற கால்பந்தாட்ட வீரர்களில் ஒருவர் கிறிஸ்டியானோ ரொனால்டோ. உலகளவில் லியோனல் மெஸ்ஸிக்கு எந்தளவுக்கு ரசிகர்கள் இருக்கிறார்களோ அந்தளவுக்கு ரொனால்டோவுக்கு ரசிகர் பட்டாளம் அதிகம். இப்போது ஐரோப்பிய கால்பந்தாட்டப் போட்டிகள் நடைபெற்று வருகிறது. இந்நிலையில் நேற்று குரோஷிய அணிக்கும் போர்ச்சுகல் அணிக்கும் இடையே நடைபெற்றது.

இந்தப் போட்டியில் முழுங்கால் வலி காரணமாக ரொனால்டோ பங்கேற்கவில்லை. ஆனால், இந்தப் போட்டியில் தன்னுடைய அணிக்கு ஆதரவு தெரிவிக்க கேலரியில் அமர்ந்து போட்டியை பார்த்து, அணியினரை உற்சாகப்படுத்தி வந்தார். இந்தப் போட்டியில் போர்ச்சுகல் 4-1 என்ற கோல் கணக்கில் குரோஷிய அணியை வீழ்த்தியது. ஆனால் இந்தப் போட்டியின்போது ஒரு சுவாரஸ்ய சம்பவம் நடந்துள்ளது.

There's no getting away from wearing a mask, even if you're Cristiano Ronaldo?

(via @Esp_Interativo) pic.twitter.com/9F5REVrLoM — ESPN India (@ESPNIndia) September 6, 2020

இந்தப் போட்டியின்போது காலரியில் உட்கார்ந்து போட்டியை ரசித்த ரொனால்டோ மாஸ்க் அணியவில்லை. இதனை தொலைக்காட்சி ஒளிபரப்பியது. இதனையடுத்து போட்டி அமைப்பாளர் ஒருவர் ரொனால்டோவின் அருகில் சென்று மாஸ்க் அணியுமாறு அறிவுறுத்தினார். இதனையடுத்து ரொனால்டோ மாஸ்க் அணிந்து போட்டியை தொடர்ந்து பார்த்தார். இப்போது சமூக வலைத்தளத்தில் இந்த வீடியோ வைரலாகி வருகிறது.