போலீசார் தாக்கியதாக வீடியோ வெளியிட்ட இளம்பெண்.. ஆனால், நடந்தது என்ன தெரியுமா?

போலீசார் தாக்கியதாக வீடியோ வெளியிட்ட இளம்பெண்.. ஆனால், உண்மையில் நடந்தது என்ன தெரியுமா?

கிழக்கு டெல்லியின் கிருஷ்ணா நகரில் உள்ள பூங்கா ஒன்றில், தன்னையும் தனது ஆண் நண்பரையும் போலீசார் உள்ளூர்வாசிகளுடன் சேர்ந்து தாக்கியதாக, 18 வயதான இளம்பெண் ஒருவர் வீடியோவில் கூறியிருந்தார். இந்த வீடியோ சமூக வலைத்தளங்களில் வைரலாக பரவிவந்த நிலையில் சம்பந்தப்பட்ட போலீசார் அந்த இளம்பெண்ணின் குற்றச்சாட்டை மறுத்துள்ளனர்.

அந்த பெண்ணின் குற்றச்சாட்டுகள் தவறானவை என்றும், அவர் பொய் சொல்வதாகவும் டெல்லி காவல்துறை தெரிவித்துள்ளது. துணை போலீஸ் கமிஷனர் அமித் ஷர்மா நடந்தது என்ன என்பது குறித்து கூறியதாவது:

''இளம்பெண் கூறிய இடத்தில் காவலர் சஞ்சய் ரோந்துப் பணியில் ஈடுபட்டிருந்தார். இதற்கிடையில், போலாநாத் நகரில் வசிக்கும் நிதின் ஜெயின் என்பவர் பூங்காவில் வாக்கிங் சென்று கொண்டிருந்தார். அதே பூங்காவில் 19 வயதான டிவிட் மற்றும் அவரது பெண் நண்பரும் ஜோடியாக வாக்கிங் சென்றுள்ளனர். இவர்கள் மீது ஜெயின் தெரியாமல் மோதியதால் அவரை தாக்கத் தொடங்கியுள்ளனர்.

ரோந்து பணியிலிருந்த சஞ்சய் பூங்காவிற்கு விரைந்து சென்று பார்த்தபோது, அங்கு இருவரும் சேர்ந்து ஜெயின் மீது தாக்குதல் நடத்தியதைக் கண்டுள்ளார். அவர்களை விலக்கிவிடச் சென்ற காவலர் சஞ்சயையும் திட்டி தள்ளிவிட்டுள்ளனர்.

இந்த ஜோடியினரை கண்ட்ரோல் செய்ய முடியாதல் சஞ்சய் தலைமை கான்ஸ்டபிள் நரேந்திரரை அந்த இடத்திற்கு அழைத்துள்ளார்.

நடந்தது இதுவாக இருக்க, போலீசார் தாக்கியதால அந்த பெண் பொய் சொல்லி வீடியோ வெளியிட்டுள்ளார்’’ என்றார்.

இதையடுத்து டிவிட்டின் தந்தை நடந்த சம்பவத்திற்கு மன்னிப்பு கேட்டு இந்த இந்த விவகாரத்தை முடித்து வைத்தார். ஜெயினும் எந்த புகாரும் கொடுக்கவில்லை என்று போலீசார் தெரிவித்தனர்.