விடிய விடிய கனமழை - வெள்ள நீரில் மிதக்கும் கூடலூர்!!

கூடலூரில் நேற்றும் விடிய விடிய கனமழை பெய்தது. 

நீலகிரி மாவட்டத்தில் பெய்து வரும் கனமழையால் கூடலூர் சாலை உட்பட அதன் சுற்றுப்புறப் பகுதிகளில் உள்ள மரங்கள் சரிந்து விழுந்தன. உதகையில் மரங்கள் முறிந்து விழுந்ததில் இருவர் உயிரி‌‌ழந்தனர். எடக்காடு பகுதியில்‌ மீட்புப் பணியில் இருந்த காவலர் மற்றும் தீயணைப்புத்துறையினர் இருவர் காயமடைந்தனர். வெள்ளத்தால் பாதிக்கப்பட்ட மக்களை மீட்ட மாவட்ட நிர்வாகம் அவர்களை முகாம்களில் தங்கவைத்தனர்.

நீலகிரி மாவட்டத்தில் மேலும் மழை நீடிக்கலாம் என்பதால் தாழ்வான பகுதிகள், ஆற்றங்கரையோரம் ஆகிய இடங்களில் வசித்து வந்த மக்கள் பாதுகாப்பான இடங்களுக்கு வெளியேற அறிவுறுத்தப்பட்டது.

இந்நிலையில் கூடலூரில் நேற்றும் விடிய விடிய கனமழை பெய்தது.  தாழ்வான பகுதிகளுக்குள் வெள்ள நீர் புகுந்துள்ளது. காசிம் வயல், முதல் மைல்,
கொக்காகாடு உள்ளிட்ட பகுதிகள் கடும் பாதிப்பை சந்தித்துள்ளது. கூடலூரில் 35 செ.மீ மழையும்,தேவாலாவில் 36 செ.மீ மழையும் பெய்தது.