‘மிருகத்தின் வயிற்றுக்குள் மாட்டிக்கொண்டதை போல் உணர்ந்தோம்’: பூமி திரும்பிய விஞ்ஞானிகள் !

அமெரிக்காவை சேர்ந்த ஸ்பேஸ் எக்ஸ் என்ற தனியார் விண்வெளி ஆய்வு நிறுவனம், சர்வதேச விண்வெளி ஆய்வு மையத்துக்கு மனிதர்களை அனுப்பும் திட்டத்திற்காக ‘டிராகன் 2’ விண்கலத்தை உருவாக்கியது.

கடந்த மே மாதம் 31-ந் தேதி பாப் பென்கென் மற்றும் டக் ஹர்லி ஆகிய 2 அமெரிக்க விண்வெளி வீரர்கள் ‘டிராகன் 2’ விண்கலத்தில் சர்வதேச விண்வெளி மையத்துக்கு அனுப்பி வைக்கப்பட்டனர். விண்வெளியில் 2 மாத காலமாக தங்கி ஆய்வு மேற்கொண்ட நாசா விண்வெளி வீரர்கள் இருவரும் தங்கள் ஆய்வு பணிகளை முடித்துக்கொண்டு, பூமி திரும்பியுள்ளனர்.

சர்வதேச விண்வெளி ஆய்வு மையத்திலிருந்து 19 மணி நேர பயணத்துக்கு பின் பென்சாகொலா கடலில் பாராசூட் மூலம் ‘டிராகன் 2’ விண்கலம் வெற்றிகரமாக நீரில் இறங்கியது. பூமியை நெருங்கும் போது விண்கலத்தில் ஏற்பட்ட அதிர்வுகளால், மிருகத்தின் வயிற்றுக்குள் மாட்டிக்கொண்டதை போல் உணர்ந்ததாக விண்வெளி வீரர்கள் தெரிவித்தனர்.