[X] Close

இந்திய அணியின் பயிற்சியாளர் பதவி... ரவி சாஸ்திரிக்கு மீண்டும் வாய்ப்பு?

BCCI-approaches-Ravi-shastri-for-Coaching-Role--Reports

இந்திய அணியின் பயிற்சியாளர் பதவிக்கு விண்ணப்பிக்கும்படி முன்னாள் வீரர் ரவி சாஸ்திரியை இந்திய கிரிக்கெட் கட்டுப்பாட்டு வாரியம் கேட்டுக் கொண்டுள்ளதாகத் தகவல் வெளியாகியுள்ளது.

இருப்பினும், பயிற்சியாளர் பதவி தனக்கு கிடைக்கும் என்று உறுதியளித்தால் மட்டுமே விண்ணப்பிக்க முடியும் என்று ரவி சாஸ்திரி தரப்பில் கூறப்பட்டுள்ளதாகவும் தகவல்கள் வெளியாகியுள்ளன. ரவிசாஸ்திரியின் இந்த கோரிக்கை ஏற்கப்பட்டதா என்பது குறித்து எந்த தகவலும் வெளியாகவில்லை. இந்திய அணியின் பயிற்சியாளர் பதவியில் இருந்து அனில் கும்ப்ளே விலகியதை அடுத்து, அந்த பதவிக்கு விண்ணப்பித்த வீரேந்திர சேவாக், டாம் மூடி உள்ளிட்டவர்களிடம் நேர்காணல் விரைவில் நடத்தப்படும் என்று தெரிகிறது. அதேநேரம், பயிற்சியாளர் பதவிக்கு விண்ணப்பித்தவர்களில் மீது பிசிசிஐ நிர்வாகத்துக்கு திருப்தி ஏற்படவில்லை என்றும், இதனால் புதியவர்கள் விண்ணப்பிப்பதற்கான அறிவிப்பு வெளியிட திட்டமிடப்பட்டு வருவதாகவும் கூறப்படுகிறது. பயிற்சியாளராக கும்ப்ளே நியமிக்கப்படுவதற்கு முன்பு இந்திய அணியின் இயக்குனராகப் பதவி வகித்த ரவி சாஸ்திரியே, அடுத்த பயிற்சியாளராக வேண்டும் என்று கேப்டன் விராத் கோலியும் விரும்புவதாகவும் கூறப்படுகிறது. 

Advertisement:

Advertisement

Advertisement
[X] Close