Published : 05,Jul 2020 10:00 PM

மதுரை : கொரோனா அறிகுறியோடு 2 நாட்கள் சாலையில் கிடந்த முதியவர்..!

Old-man-was-lying-under-on-road-side-with-corona-symptoms-in-Madurai

மதுரையில் கொரோனா அறிகுறியோடு சாலையில் 2 நாட்கள் கிடந்த முதியவர் மருத்துவமனையில் சேர்க்கப்பட்டார்.

மதுரை மாவட்டம் பழங்காநத்தம் பகுதியில் டிவிஎஸ் நகர் மாடக்குளம் செல்லும் மேம்பாலம் அருகே 70 வயது மதிக்கத்தக்க முதியவர் ஒருவர் கொரானா அறிகுறியோடு இருந்தார். உடல் நலிவுற்று கடுமையான மூச்சுத்திணறல் பாதிப்பால் இரண்டு நாட்களாக மயங்கியிருந்த அவரை பார்த்த மக்கள், சுப்பிரமணியபுரம் காவல்துறையினருக்கு தகவல் தெரிவித்தனர்.

image

இதையடுத்து உடனடியாக இஎஸ்ஐ மருத்துவமனையில் இருந்து வந்த ஆம்புலன்ஸ் வாகனம் ஒன்று சம்பவ இடத்திற்கு வந்தது. ஆனால் அது பிரசவத்திற்கான வாகனம் எனவும், முதியவருக்கு கொரானா அறிகுறி இருப்பதால் ஆம்புலன்ஸில் ஏற்ற முடியாது எனவும் கூறி அங்கிருந்து புறப்பட்டுள்ளனர். இச்சம்பவம் குறித்து மாவட்ட ஆட்சியர் அலுவலகத்தில் செயல்படும் கொரோனா கட்டுப்பாட்டு அறைக்கு சிலர் தகவல் தெரிவித்தனர்.

image

இதைத்தொடர்ந்து சுமார் இரண்டு மணி நேரத்திற்குப்பின் 108 வாகனம் மூலம் சாலையில் கிடந்த முதியவர் மீட்கப்பட்டு, ராஜாஜி அரசு மருத்துவமனைக்கு அழைத்துச் செல்லப்பட்டுள்ளார். முதியவர் உடலில் துணி எதுவும் இல்லாமல் சாலையில் இரண்டு நாட்கள் கொரோனா அறிகுறியோடு கிடந்ததால், அவர் இருந்த இடத்தில் தூய்மைப்பணியாளர் கொண்டு கிருமிநாசினி தெளிக்கப்பட்டது.

பாலியல் வன்கொடுமை குற்றத்தை மறைக்க லஞ்சம் : பெண் போலீஸ் கைது..!

சற்று முன்



எடிட்டர் சாய்ஸ்