[X] Close

ஒரு வாரத்தில் ஒரு லட்சத்திற்கும் மேல் பாதிப்பு - இந்தியாவில் தீவிரமடையும் கொரோனா!!

கொரோனா வைரஸ்

India-records-1Lakh-Corona-positive-cases-in-a-week

இந்தியாவில் கொரோனாவின் தாக்கம் நாளுக்கு நாள் தீவிரமாகி வருகிறது. கடந்த 7 நாட்களில் மட்டும் ஒரு லட்சத்திற்கும் அதிகமானவர்களுக்கு கொரோனா உறுதி செய்யப்பட்டுள்ளது. நேற்று மட்டும் 15,600 பேருக்கு கொரோனா உறுதியானது. நேற்று கொரோனாவுக்கு உயிரிழந்தவர்களின் எண்ணிக்கை 466.

image

ஜூன் 16-ம் தேதி 3.53 லட்சம் பேர் இந்தியாவில் கொரோனாவால் பாதிக்கப்பட்டிருந்த நிலையில் நேற்று நிலவரப்படி கொரோனாவால் பாதிக்கப்பட்டவர்களின் எண்ணிக்கை 4.55 லட்சமாக உள்ளது. ஒரு நாளைக்கு சராசரியாக 14,600 பேர் கொரோனாவால் பாதிக்கப்படுகின்றனர். அதன்படி கடந்த 7 நாட்களில் மட்டும் ஒரு லட்சத்திற்கும் அதிகமானவர்கள் கொரோனாவால் பாதிக்கப்பட்டுள்ளனர். அதேபோல் ஒரு வாரத்தில் மட்டும் கொரோனாவிற்கு பலியானவர்களின் எண்ணிக்கை 2,541 ஆகும்.


Advertisement

image

நேற்றைய ஒருநாளில் நாட்டிலேயே அதிகமாக டெல்லியில் மட்டும் 3947 பேர் கொரோனாவால் பாதிக்கப்பட்டுள்ளனர். அடுத்தப்படியாக மகாராஷ்டிராவில் 3214 பேர் பாதிக்கப்பட்டனர். குறிப்பாக மும்பை கொரோனாவால் அதிகம் பாதிக்கப்பட்டுள்ளது. மும்பையில் இதுவரை 3844 பேர் கொரோனாவால் உயிரிழந்துள்ளனர்.

image


Advertisement

தமிழகத்தில் நேற்று 2516 பேருக்கு கொரோனா தொற்று உறுதியானது. இதில், சென்னையில் மட்டும் 1,380 பேருக்கு கொரோனா பாதிப்பு உறுதி செய்யப்பட்டுள்ளது. தமிழகத்தில் இதுவரை கொரோனாவால் பாதிக்கப்பட்டோரின் எண்ணிக்கை 64,603 ஆக அதிகரித்துள்ளது. அதேபோல், சென்னையில் கொரோனாவால் பாதிக்கப்பட்டோரின் எண்ணிக்கை 44,205 ஆக உயர்ந்துள்ளது.


‘பிஎம் கேர்’ நிதி எதெற்கெல்லாம் செலவிடப்பட்டது? : பிரதமர் அலுவலகம் விளக்கம்


 


Advertisement

Advertisement
[X] Close