கொரோனா: சிறப்பு கவனம் செலுத்த வேண்டியவர்களை பாதுகாக்க 11 மருத்துவக் குழுக்கள்..!

கொரோனா தொற்றில் சிறப்பு கவனம் செலுத்த வேண்டியர்களை பாதுகாக்க, அரசு மற்றும் தனியார் மருத்துவர்களை கொண்டு 11 சிறப்பு மருத்துவ குழுக்கள் உருவாக்கப்பட்டுள்ளது.

1. டயாலிசிஸ்/ உடலுறுப்பு மாற்று சிகிச்சை பெற்றவர்களுக்குகான குழு 

2. நீரிழிவு நோயாளிகளுக்கான குழு 

3. இரத்த கொதிப்பு நோயாளிகளுக்கான குழு

4. புற்றுநோய் சிகிச்சை பெறுபவர்களுக்கான குழு 

5. கர்ப்பிணி தாய்மார்களுக்கான குழு 

6. குழந்தைகள் மற்றும் இரத்த உறைதல் நோயாளிகளுக்கான குழு 

7. இருதய நோயாளிகளுக்கான குழு 

8. மூத்த குடிமக்களுக்கான குழு 

9. ஆஸ்துமா, மூச்சுத்திணறல், காசநோயால் பாதிக்கப்பட்டவர்களுக்கான குழு

10. எச்.ஐ.வி.யால் பாதிக்கப்பட்டர்களுக்கான குழு 

11. மனநலம் காப்பதற்கான குழு 

கொரோனா தொற்றிலிருந்து சிறப்பு சிகிச்சை தேவைப்படும் நபர்களை கண்டறிந்து அவர்களுக்கு தேவையான மருத்துவ வசதிகளை செய்து தர இந்த குழுக்கள் அமைக்கப்பட்டுள்ளது. நேற்று இது குறித்த ஆலோசனை கூட்டம் நடைபெற்றது. அதில், அவர்களுக்கு எவ்வாறு மருத்துவ வசதிகள் ஏற்படுத்தி தர வேண்டும், பின்பற்ற வேண்டிய உணவு முறைகள், யோகா பயிற்சிகள், ஆரம்ப கால அறிகுறிகளை கண்டறிர்ந்து அதற்கான ஆலோசனைகளை வழங்குவது, அரசின் டெலிகன்சல்டேசன் மற்றும் ஆரோக்கிய சேது போன்ற செயலிகளை எவ்வாறு பயன்படுத்த வேண்டும் என்பன குறித்து ஆலோசிக்கப்பட்டது. இதனைத்தொடர்ந்து சிறப்பு குழுக்களை உருவாக்கி, அவர்களுக்கு தேவையான நடவடிக்கைகளை மேற்கொள்ள சுகாதாரத்துறை அமைச்சர் விஜயபாஸ்கர் உத்தரவிட்டுள்ளார்.