Published : 15,Jun 2017 12:06 PM
வெஸ்ட் இண்டீஸ் தொடருக்கான இந்திய அணி அறிவிப்பு... ரோகித் ஷர்மா, பும்ராவுக்கு ஓய்வு
வெஸ்ட் இண்டீஸ் தொடரில் பங்கேற்கும் விராத் கோலி தலைமையிலான 15 பேர் கொண்ட இந்திய அறிவிக்கப்பட்டுள்ளது.
ரோகித் ஷர்மா மற்றும் பும்ரா ஆகியோருக்கு ஓய்வு அளிக்கப்பட்டு அவர்களுக்குப் பதிலாக இளம் விக்கெட் கீப்பர் பேட்ஸ்மேனான ரிஷாப் பாண்ட் மற்றும் குல்தீப் யாதவ் ஆகியோருக்கு வாய்ப்பு வழங்கப்பட்டுள்ளது. அதேபோல, நடப்பு சாம்பியன்ஸ் கோப்பை தொடரில் பங்கேற்றுள்ள யுவராஜ் சிங், ஹர்திக் பாண்ட்யா மற்றும் தினேஷ் கார்த்திக் ஆகியோருக்கு மீண்டும் வாய்ப்பு வழங்கப்பட்டுள்ளது. வெஸ்ட் இண்டீஸ் செல்லும் இந்திய அணி, 5 ஒருநாள் போட்டி மற்றும் ஒரு டி20 போட்டி கொண்ட தொடரில் பங்கேற்கிறது. இவ்விரு அணிகள் மோதும் தொடர் வரும் 23ல் தொடங்குகிறது.
வெஸ்ட் இண்டீஸ் தொடருக்கான இந்திய அணி:
விராத் கோலி (கேப்டன்), ஷிகர் தவாண், ரிஷாப் பாண்ட், அஜிங்க்யா ரஹானே, மகேந்திரசிங் தோனி, யுவராஜ் சிங், கேதர் ஜாதவ், ஹர்திக் பாண்ட்யா, ரவிச்சந்திரன் அஸ்வின், ரவீந்திர ஜடேஜா, முகமது ஷமி, உமேஷ் யாதவ், புவனேஷ்வர் குமார், குல்தீப் யாதவ், தினேஷ் கார்த்திக்.
