[X] Close

"அவர் ஒரு நகைச்சுவையாளர்" அக்தரை கலாய்த்த கவாஸ்கர் !

விளையாட்டு

Fast-bowler-with-a-sense-of-humour-Sunil-Gavaskar-on-Shoaib-Akhtar

ஷோயப் அக்தர் நல்ல நகைச்சுவை உணர்வுக் கொண்ட வேகப்பந்து வீச்சாளர் என்று இந்திய கிரிக்கெட் அணியின் ஜாம்பவான் சுனில் கவாஸ்கர் வேடிக்கையாக தெரிவித்துள்ளார்.

image

கொரோனா வைரஸ் தடுப்புக்கான நிதியை திரட்ட இந்தியா - பாகிஸ்தான் இடையே கிரிக்கெட் போட்டிகள் நடத்தப்பட வேண்டும் என்றும் அதில் கிடைக்கும் பணத்தை இருநாடுகளும் பிரித்துக்கொள்ள வேண்டும் என்றும் பாகிஸ்தான் கிரிக்கெட் அணியின் முன்னாள் வேகப்பந்துவீச்சாளர் ஷோயப் அக்தர் அண்மையில் கருத்து தெரிவித்திருந்தார்.


Advertisement

image

அதற்கு பதிலளித்த இந்திய அணியின் முன்னாள் கேப்டன் கபில் தேவ் "இரு நாடுகளுக்கு இடையே போட்டி நடத்திதான் நிதி திரட்ட வேண்டும் என்ற கட்டாயத்தில் இந்தியா இல்லை, அதற்கு வாய்ப்பும் இல்லை" என்று அக்தரின் கூற்றுக்கு பதிலடி கொடுத்தார். இப்போது சமூக வலைத்தளத்தில் முன்னாள் பாகிஸ்தான் வீரர் ரமீஸ் ராஜாவுடன் நடைபெற்ற உரையாடலின் போது சுனில் கவாஸ்கரிடம் இந்தக் கேள்வி முன்வைக்கப்பட்டது.

image


Advertisement

அதற்கு பதிலளித்த அவர் " லாகூர் நகரில் பனிப்பொழிய வாய்ப்பிருக்கே தவிர, இந்தியா - பாகிஸ்தான் இடையிலான கிரிக்கெட் தொடர் நடைபெறுவதற்கு வாய்ப்பே இல்லை. இரு அணிகளும் ஐசிசி நடத்தும் உலகக் கோப்பை மற்றும் சாம்பியன்ஸ் கோப்பை போட்டிகளில் மோதிக் கொண்டுதான் இருக்கிறது" என தெரிவித்தார். இதற்கு பதிலளித்த அக்தர் "சன்னி பாய் (சுனில் கவாஸ்கர்) கடந்தாண்டும் லாகூர் நகரில் பனி பொழிந்தது எனவே எதுவம் முடியாதது என கிடையாது" என வேடிக்கையாக கருத்து தெரிவித்திருந்தார்.

image

இதற்குல பதிலளித்த சுனில் கவாஸ்கர் "முன்னாள் பாகிஸ்தான் வீரர்களுடன் உரையாடும்படி அழைப்புகள் வந்துக் கொண்டுதான் இருக்கிறது. ரமீஸ் ராஜாவுடனான இந்த உரையாடலை மிகவும் ரசித்தேன். ஆனால் நான் மிகவும் ரசித்தது லாகூர் பனிப்பொழிவு குறித்து என்னுடைய கருத்துக்கு அக்தர் கொடுத்த பதிலடியைதான், அது மிகவும் பிரமாதம். அவர் சிறந்து நகைச்சுவை உணர்வுகளைக கொண்ட வேகப்பந்து வீச்சாளர், நான் அதை விரும்புகிறேன்" என தெரிவித்தார்.


Advertisement

Advertisement
[X] Close