116 பேருடன் சென்றுன் காணாமல் போன மியான்மர் ராணுவ விமானத்தை தேடும் பணிகள் தீவிரப்படுத்தப்பட்ட நிலையில், அந்தமான் கடல் பகுதியில் விமானத்தின் பாகங்கள் மிதப்பதாக தகவல்கள் வெளியாகியுள்ளன.

மியான்மர் நாட்டில் ராணுவத்துக்கு சொந்தமான விமானம் 116 பேருடன் யாங்கோன் நோக்கி சென்றுகொண்டிருந்தது. இன்று மேக் மற்றும் யாங்கோனுக்கு இடையே சென்றபோது விமானம் ராடார் சிக்னலில் இருந்து மறைந்தது விமானம் மாயமானது. பிற்பகல் 1.35 மணிக்கு தாவே நகருக்கு மேற்கே 20 மைல்கள் தொலைவில் சென்றபோது விமானத்தின் தகவல் தொடர்பு திடீரென துண்டிக்கப்பட்டதாகவும், விமானத்தை தேடும் பணி முடுக்கிவிடப்பட்டிருந்த நிலையில், அந்தமான் கடல் பகுதியில் விமானத்தின் பாகங்கள் மிதப்பதாக தகவல் வெளிவந்துள்ளது. காணாமல் போன விமானத்தில் 105 பயணிகளும், 11 விமான ஊழியர்களும் இருந்ததாக விமான நிலைய வட்டாரங்கள் தெரிவிக்கின்றன.