இந்தியாவில் 10 ஆண்டுகளில் 81,758 மாணவர்கள் தற்கொலை - அதிர்ச்சி தரும் புள்ளி விவரம்

இந்தியாவில் கடந்த 10 ஆண்டுகளில் சுமார் 82 ஆயிரம் மாணவ, மாணவிகள் தற்கொலை செய்துகொண்டிருப்பது தேசிய குற்ற ஆவணக் காப்பகத்தின் புள்ளி விவரங்களில் தெரியவந்துள்ளது.

2009 ஆம் ஆண்டு ஜனவரி மாதம் முதல் 2018 ஆம் ஆண்டு டிசம்பர் வரையிலான பத்து ஆண்டுகளில் நாடு முழுவதிலும் 81 ஆயிரத்து 758 மாணவ, மாணவிகள் தற்கொலை செய்துகொண்டிருப்பது தெரியவந்துள்ளது‌. 57 சதவிகித தற்கொலைகள் 2018ஆம் ஆண்டு வரையிலான 5 ஆண்டுகளில் நிகழ்ந்துள்ளது. இதில், 10 ஆயிரத்து 159 மாணவ, மாணவிகள் தேர்வுகளில் தோல்வியடைந்ததால் தற்கொலை செய்து கொண்டிருப்பதாக புள்ளி விவரங்கள் தெரிவிக்கின்றன.

2018 ஆம் ஆண்டில் இந்தியா முழுவதிலும் ஒரு லட்சத்து 30 ஆயிரம் பேர் தற்கொலை செய்துகொண்டிருப்பதாகவும் அதில் 8 சதவிகிதத்தினர் மாணாக்கர் எனவும் தெரிவிக்கப்பட்டுள்ளது. இதற்கு மன அழுத்தம், மதுப்பழக்கத்திற்கு அடிமையாவது போன்றவையே காரணம் என உளவியலாளர்கள் கூறுகின்றனர்.

ரூ 2.32 கோடி செலவு... 943 கிலோ வெடிபொருட்கள்.. தரைமட்டமான கட்டடங்கள்

2018 ஆம் ஆண்டில் அதிகபட்சமாக மகாராஷ்டிரா மாநிலத்தில் ஆயிரத்து 448 மாணவ, மாணவிகள் தற்கொலை செய்துகொண்டிருக்கின்றனர். அடுத்ததாக தமிழ்நாட்டில் 953 மாணாக்கரும், மத்தியப் பிரதேசத்தில் 862 மாணாக்கரும், கர்நாடகாவில் 755 மாணாக்கரும், மேற்கு வங்கத்தில் 609 மாணாக்கரும் தற்கொலை செய்து கொண்டிருக்கின்றனர்.