Published : 21,Dec 2019 05:19 AM

26.7 கோடி பயனாளர்களின் தகவல்கள் திருட்டு ! பேஃஸ்புக் நிறுவனம் தகவல்

Facebook-data-leak-exposes-over-267-million-users

26.7 கோடி பயனாளர்களின் தகவல்கள் திருடப்பட்டிருப்பதாக பேஸ்புக் நிறுவனம் தெரிவித்திருப்பது அதிர்ச்சியை ஏற்படுத்தியுள்ளது.

கோடிக்கணக்கானவர்களால் பயன்படுத்தப்படும் சமூக வலைதளமான பேஸ்புக் தான் கடந்த 10 ஆண்டுகளில் உலகளவில் அதிகம் பதிவிறக்கம் செய்யப்பட்ட ஒரு செயலி. பயனாளர்கள் பலரும் தங்களின் தனிப்பட்ட விவரங்கள் பலவற்றை இதில் பகிர்ந்து கொள்கின்றனர். பேஸ்புக்கில் இருந்து பயனாளர்களின் தகவல்கள் திருடப்படுவதாக அவ்வப்போது புகார்கள் எழுந்த வண்ணம் உள்ளன. அந்த வகையில் COMPARITECH என்ற தளத்தை சேர்ந்த ஆய்வாளர் ஒருவர் கடந்த 2ஆம் தேதி, சுமார் 26.7 கோடி பேஸ்புக் பயனாளர்களின் பெயர், செல்போன் எண் உள்ளிட்ட தகவல்கள் குறிப்பிட்ட இணையதள பக்கத்தில் கிடைத்ததை கண்டு அதிர்ச்சி அடைந்துள்ளார்.

Image result for Facebook data leak exposes over 267 million users

ஹேக்கர்கள் தீவிரமாக இயங்கும் தளமொன்றிலும் இந்த தகவல்கள் எளிதில் பதிவிறக்கம் செய்யும் வகையில் இருந்ததாக அவர் கூறியுள்ளார். ஆனால் தற்போது அந்த இணையதள பக்கமே நீக்கப்பட்டிருக்கிறது. எனினும் அதற்கு முன்பாகவே இந்த தகவல்கள் அனைத்தும் பலருக்கு கிடைத்திருக்கும் என கூறப்படுகிறது. இது தொடர்பாக விசாரணை நடைபெற்று வருவதாக பேஸ்புக் நிறுவனம் கூறியுள்ளது. ஏற்கெனவே பேஸ்புக் தகவல்கள் திருடப்படுவதாக, விளம்பர மற்றும் அரசியல் நோக்கங்களுக்காக விற்கப்படுவதாகவும் தொடர்ந்து புகார்கள் கூறப்படும் நிலையில், தற்போது மீண்டும் ஒரு தகவல் திருட்டு நடந்திருக்கிறது.

Image result for Facebook data leak exposes over 267 million users

வியட்நாமில் இயங்கும் ஹேக்கர்கள் பேஸ்புக் தகவல் தரவு தளத்தில் ஊடுருவி இந்த தகவல்களை பெற்றிருக்கலாம் என கூறப்படுகிறது. பெரும்பாலும் அமெரிக்காவை சேர்ந்த பேஸ்புக் பயனாளர்களின் தகவல்களே திருடப்பட்டுள்ளன. குறிப்பாக பேஸ்புக் PROFILE SETTINGஇல் PUBLIC என வைத்திருப்பவர்களின் தரவுகள் எளிதில் திருடப்படுவதாக தெரிகிறது. எனவே பேஸ்புக் பயனாளர்கள் profile settingல் நண்பர்களுக்கு மட்டுமே தகவல்கள் தெரியும் வகையில் மாற்ற வேண்டும் என அறிவுறுத்தப்பட்டுள்ளனர்.

Image result for Facebook data leak exposes over 267 million users

அதேபோல பேஸ்புக்கை தவிர பிற தளங்களில் புரோஃபைலை இணைக்கலாமா என்ற கேள்விக்கு நோ என்றே பதில் கொடுக்க வேண்டும், சந்தேகத்துக்குரிய வகையில் வரும் தகவல்களை பார்க்க வேண்டாம் என்பன உள்ளிட்ட அறிவுரைகள் வழங்கப்படுகின்றன. பேஸ்புக் பயனாளர்கள் அடிக்கடி பாஸ்வேர்ட்டை மாற்ற வேண்டும் என்றும் வல்லுனர்கள் கூறுகின்றனர்.

சற்று முன்



எடிட்டர் சாய்ஸ்