நேர்முகத்தேர்வில் மோசடியா?: விளக்கம் அளித்த டி.என்.பி.எஸ்.சி

doss

12,Dec 2019 02:12 AM

TNPSC-denied-vaiko-s-statement-over-exam

டி.என்.பி.எஸ்.சி. நடத்த உள்ள நேர்முகத்தேர்வில் மோசடி நடைபெற இருப்பதாக எழுந்த குற்றச்சாட்டை தேர்வாணையம் திட்டவட்டமாக மறுத்துள்ளது.

குரூப் 1க்கான நேர்முகத்தேர்வில் மோசடி நடைபெற வாய்ப்பு இருப்பதாக ‌மதிமுக பொதுச் செயலாளர் வைகோ குற்றம் சாட்டியிருந்தார். இந்நிலையில் தேர்வாணையத்தின் மாண்புக்கு களங்கம் விளைவிக்கும் வகையில் உண்மைக்குப் புறம்பாக ‌வைகோ அறிக்கை வெளியிட்டிருப்பதாக டி.என்.பி.எஸ்.சி தெரிவித்துள்ளது.

நேர்முகத் தேர்வில் வல்லுநர் குழுவினால் கலந்தாலோசிக்கப்பட்டு ஒருமித்த முடிவாக மட்டுமே மதிப்பெண் வழங்கும் முறை உள்ளது என்றும், அவ்வாறு வழங்கப்படும் மதிப்பெண் கணினி வழியே மதிப்பீடு செய்யும் வகையில் பேனா மையினால் மட்டுமே பதிவு செய்யப்படுகிறது எனவும் டி.என்.பி.எஸ்.சி விளக்கமளித்துள்ளது. எனவே இதுகுறித்து, தேர்வர்கள் யாரும் அச்சப்படத் தேவையில்லை என தேர்வாணையம் தெரிவித்துள்ளது

அயோத்தி தீர்ப்பை சீராய்வு செய்யக் கோரும் மனுக்கள்: இன்று விசாரணை !