தொழிலதிபர் வீட்டின் பின்பக்க கதவை உடைத்து கொள்ளை

நாகை மாவட்டம் குத்தாலம் அருகே தொழிலதிபர் வீட்டின் கதவை உடைத்து மர்ம நபர்கள் கொள்ளை‌டித்து சென்றுள்ளனர். 

நாகை மாவட்டம் குத்தாலம் அருகே தேரிழந்தூரைச் சேர்ந்தவர் முத்துக்குமார். இவர் குத்தாலத்தில் கேஸ் ஏஜென்சி மற்றும் ஷாப்பிங் மால் நடத்தி வருகிறார். தீபாவளியை முன்னிட்டு வியாபாரம் அதிக அளவில் இருந்ததால் குடும்பத்தினர் அனைவரும் நேற்று மாலை வீட்டை பூட்டிவிட்டு கடைக்கு சென்றுள்ளனர். 

இரவு 10மணிக்கு முத்துக்குமார் மனைவி சித்ராவுடன் வீட்டிற்கு திரும்பியுள்ளார். கதவை திறந்து உள்ளே சென்றபோது வீட்டின் பின்பக்க கதவு உடைக்கப்பட்டு பீரோவிலிருந்த 13 லட்சம் ரொக்கம், 2 லட்சம் மதிப்பிலான வைர அட்டிகை, 8 பவுன் நகை கொள்ளையடிக்கப்பட்டது கண்டு அதிர்ச்சியடைந்தார். 

மயிலாடுதுறை டிஎஸ்பி வெள்ளைத்துரை தலைமையில் குத்தாலம் போலீசார் தீவிர விசாரணை மேற்கொண்டுள்ளனர். நாகையிலிருந்து கைரேகை நிபுணர்கள் மோப்பநாய் வரவழைக்கபட்டு சோதனை மேற்கொள்ளப்பட்டது.