கனமழையால் நிலச்சரிவு - அந்தரத்தில் தொங்கும் வீடுகள்

Sakthi Saravanan

19,Oct 2019 10:43 AM

Heavy-Rain-fallen-in-Nilgiris---Houses-are-in-dangerous-condition

நீலகிரியில் கனமழை காரணமாக பல இடங்களில் நிலச்சரிவு ஏற்பட்டுள்ளதால், ஏராள‌மான வீடுகள் அந்தரத்தில் தொங்கும் நிலை ஏற்பட்டுள்ளது.

நீலகிரியில் கடந்த சில நாட்களாக இரவு நேரங்களில் பலத்தமழை பெய்து வருவதால், மக்களின் இயல்பு வாழ்க்கை பாதிக்கப்பட்டுள்ளது. இதனால்‌ உதகை - மஞ்சூர் நெடுஞ்சாலையில் ஆங்காங்கே மண்சரிவு ஏற்ப‌ட்டு போக்குவரத்து தடைபட்டுள்ளதால், 20க்கும் மேற்பட்ட கிராமங்கள் கடுமையாக பாதிக்கப்பட்டுள்ளன.

மஞ்சூர் குந்தா பகுதிகளில் மண்சரிவால் 50க்கும் மேற்பட்ட வீடுகள் அந்தரத்தில் தொங்கிக்கொண்டிருப்பதால் மக்கள் அச்சத்தில் ஆழ்ந்துள்ளனர். 10 ஆண்டுகளுக்குப்பிறகு அப்பர் பவானி, குந்தா, அவலாஞ்சி ஆகிய அணைகளிலிருந்து நீர் திறக்கப்பட்டுள்ளதால், கரையோரம் இருக்கும் மக்கள் பாதுகாப்பான இடங்களுக்கு செல்லுமாறு அறிவுறுத்தப்பட்டுள்ளது.