தர்பார் படத்தின் ‘செகண்ட் லுக்’ போஸ்டர் வெளியீடு - கட்டுமஸ்தான ரஜினி

ரஜினிகாந்த் நடிக்கும் ‘தர்பார்’ படத்தின் செகண்ட் லுக் போஸ்டர் வெளியிடப்பட்டுள்ளது.

ஏ.ஆர் முருகதாஸ் இயக்கத்தில் ரஜினிகாந்த் நடித்து வரும் படம் தர்பார். இந்தப் படத்தில் ரஜினிக்கு ஜோடியாக நயன்தாரா நடித்து வருகிறார். படத்திற்கு அனிருத் இசையமைக்கிறார். லைகா நிறுவனம் இந்த திரைப்படத்தை தயாரித்து வருகிறது. இந்த திரைப்படத்தில் ரஜினி காவல்துறை அதிகாரியாக நடிக்கிறார். அவ்வப்போது படப்பிடிப்பு தளத்தில் எடுக்கப்பட்ட புகைப்படங்கள் வெளியாகி சமூக வலைதளங்களில் ட்ரெண்ட் ஆகியது. 

ஏற்கெனவே படத்தின் ஃபர்ஸ்ட் லுக் வெளியாகி வரவேற்பை பெற்ற நிலையில், இன்று மாலை 6 மணிக்கு அடுத்த போஸ்டர் வெளியிடப்படும் என தயாரிப்பு நிறுவனம் அறிவித்திருந்தது. அறிவித்தபடியே, தர்பார் படத்தின் செகண்ட் லுக் போஸ்டர் வெளியிடப்பட்டுள்ளது. இந்த போஸ்டரில் ரஜினிகாந்த், கட் பனியனுடன் கட்டுமஸ்தாக காட்சியளிக்கிறார். இது ஒரு சண்டைக் காட்சி என்பது பார்க்கும்போதே தெரிகிறது. தர்பார் திரைப்படம் 2020ஆம் ஆண்டு பொங்கல் வெளியிடப்படும் என அறிவிக்கப்பட்டுள்ளது.