[X] Close

வெஸ்ட் இண்டீஸ் அணி கேப்டன் ஆனார் பொல்லார்ட்!

Kieron-Pollard-named-West-Indies-ODI--T20I-captain

வெஸ்ட் இண்டீஸ் அணியின் ஒரு நாள் மற்றும் டி-20 அணிகளுக்கான கேப்டனாக பொல்லார்ட் நியமிக்கப்பட்டுள்ளார்.


Advertisement

வெஸ்ட் இண்டீஸ் கிரிக்கெட் அணியில், ஒரு நாள் மற்றும் டெஸ்ட் போட்டிகளுக்கு ஜேசன் ஹோல்டர் கேப்டனாகவும் டி-20 போட்டிக்கு பிராத்வெயிட் கேப்டனாகவும் செயல்பட்டு வந்தனர். உலகக் கோப்பை தொடரில் அந்த அணி ஆடிய 10 போட்டிகளில் 2 போட்டிகளில் மட்டுமே வெற்றி பெற்றது. அடுத்து இந்தியாவுக்கு எதிரான தொடரில், ஒரு போட்டியில் கூட வெற்றி பெறவில்லை.


Advertisement

தொடர் தோல்வியை சந்தித்து வரும் அந்த அணியின் கேப்டன்களை மாற்ற அந்நாட்டு கிரிக்கெட் வாரியம் முடிவு செய்தது. இதையடுத்து ஒருநாள் மற்றும் டி-20 போட்டிகளுக்கு கேப்டனாக பொல்லார்ட் நியமிக்கப்பட்டுள்ளார்.

வெஸ்ட் இண்டீஸ் அணிக்காக, கடைசியாக, கடந்த 2016 ஆம் ஆண்டு ஒரு நாள் போட்டியில் ஆடியிருந்தார் பொல்லார்ட். பிறகு அவரை அணியில் சேர்க்கவில்லை. டி-20 போட்டிக்கும் அவர் தேர்வு செய்யப்படாமல் இருந்தார். இந்தியாவுக்கு எதிரான டி-20 தொடருக்குத்தான் அவர் சேர்க்கப்பட்டிருந்தார். இந்நிலையில் அவர் கேப்டனாக நியமிக்கப்பட்டுள்ளார். 
 


Advertisement

Advertisement
[X] Close