[X] Close

காவிரியை புத்துயிரூட்ட ஜக்கி வாசுதேவ் பேரணி.. செப்.11-ல் தமிழகம் வருகை..!

Jaggi-Vasudev-Motor-cycle-rally-for-cauvery

ஈஷா மையத்தின் நிறுவனரான ஜக்கி வாசுதேவின் மோட்டார் சைக்கிள் பேரணி செப்.11-ம் தேதி தமிழகம் வர உள்ளது.


Advertisement

தென்னிந்தியாவின் உயிர்நாடியான காவிரி நதிக்கு புத்துயிரூட்டவும் அதை சார்ந்துள்ள விவசாயிகளின் வாழ்வாதாரத்தை மேம்படுத்தவும் ‘காவிரி கூக்குரல்’ என்ற இயக்கத்தை ஈஷா அறக்கட்டளை நிறுவனர் ஜக்கி வாசுதேவ் தொடங்கியுள்ளார். இவ்வியக்கம் மூலம் தமிழ்நாடு மற்றும் கர்நாடகாவில் காவிரி வடிநிலப் பகுதிகளில் அமைந்துள்ள விவசாய நிலங்களில் அடுத்த 12 ஆண்டுகளில் 242 கோடி மரங்கள் நட இலக்கு நிர்ணயிக்கப்பட்டுள்ளது.


Advertisement

இந்நிலையில், இவ்வியக்கத்தில் இரு மாநில அரசுகள் மற்றும் மக்களின் பங்களிப்பை அதிகரிப்பதற்காக ஜக்கி வாசுதேவ் 3,500 கி.மீ தூரம் கொண்ட மோட்டார் சைக்கிள் பேரணியை மேற்கொண்டுள்ளார். செப்.3-ம் தேதி தலகாவிரியில் இருந்து தனது பயணத்தை தொடங்கிய அவர் குடகு, மடிகேரி, ஹன்சூர், மைரூரு, மண்டியா, பெங்களூரு வழியாக செப்.11-ம் தேதி தமிழகம் வருகிறார்.

செப்.11-ம் தேதி ஓசூர் வரும் அவர் தர்மபுரி, மேட்டூர், ஈரோடு, திருச்சி, தஞ்சாவூர், புதுச்சேரி வழியாக செப்.15-ம் தேதி சென்னை செல்ல உள்ளார். இப்பயணத்தின் நிறைவு நிகழ்ச்சி செப்.17-ம் தேதி கோவையில் நடைபெற உள்ளது. பெங்களூருவில் நாளை (செப்.8) நடக்கும் நிகழ்ச்சியில் கர்நாடக முதல்வர் எடியூரப்பா சிறப்பு விருந்தினராக பங்கேற்க உள்ளது குறிப்பிடத்தக்கது.


Advertisement

Advertisement

Advertisement
[X] Close