[X] Close

கார்த்தி சிதம்பரத்துக்கு எதிராக முதல் தகவல் அறிக்கை

FIR-against-Karti-Chidambaram

ஐஎன்எக்ஸ் ஊடக குழுவில் அந்நிய நேரடி முதலீடு முறைகேடுகளை மறைக்க உதவியதாக முன்னாள் மத்திய நிதி அமைச்சர் ப.சிதம்பரத்தின் மகன் கார்த்தி சிதம்பரத்துக்கு எதிராக சிபிஐ முதல் தகவல் அறிக்கை பதிவு செய்துள்ளது.

சிபிஐ பதிவு செய்துள்ள முதல் தகவல் அறிக்கையில், ஐஎன்எக்ஸ் ஊடகக் குழுமத்தின் முன்னாள் இயக்குனர்கள் இந்திராணி முகர்ஜி, பிரதிம் முகர்ஜி என்கிற பீட்டர் முகர்ஜி, கார்த்தி சிதம்பரம், அவரது செஸ் மேனேஜ்மெண்ட் சர்வீஸஸ் நிறுவனம், அட்வாண்ட்டேஜ் ஸ்ட்ராட்டெஜிக் கன்சல்டிங் நிறுவனம், அதன் இயக்குநர் பத்மா பாஸ்கரராமன் மற்றும் பெயர் தெரியாத நிதித்துறை அதிகாரிகள் குற்றவாளிகளாக சேர்க்கப்பட்டுள்ளனர்.

ஐஎன்எக்ஸ் மீடியா பிரைவேட் லிமிடெட் என்ற நிறுவனம் 4 கோடியே 62 லட்சத்து 16 ஆயிரம் ரூபாய் அந்நிய நேரடி முதலீடு பெற அந்நிய முதலீடு வளர்ச்சி வாரியம் கடந்த 2007 ஆம் ஆண்டு மே மாதத்தில் அனுமதி அளித்ததாக தெரிவிக்கப்பட்டுள்ளது. ஆனால் அந்த நிறுவனமோ 305 கோடி ரூபாயை அந்நிய நேரடி முதலீடாகப் பெற்றதாக சிபிஐயின் முதல் தகவல் அறிக்கை கூறுகிறது. இதுகுறித்த புகாரின் பேரில், வருமான வரித்துறை எழுதிய கடிதத்திற்கு, விசாரணை நடைபெறுவதாக அந்நிய முதலீடு வளர்ச்சி வாரியம் பதில் அளித்ததாக சிபிஐ தெரிவித்துள்ளது.


Advertisement

அப்போதைய நிதி அமைச்சரான சிதம்பரத்தின் மகன் என்ற செல்வாக்கை பயன்படுத்தி இந்தப் பிரச்னையை தீர்க்க கார்த்தி சிதம்பரத்தை ஐஎன்எக்ஸ் நிறுவனம் அணுகியதாக சிபிஐ கூறியுள்ளது. கார்த்தி சிதம்பரத்தின் செல்வாக்கால், நிதித்துறை அதிகாரிகள் ஐஎன்எக்ஸ் மீடியா நிறுவனத்திற்கு எதிரான குற்றச்சாட்டுகளை கண்டுகொள்ளாமல் விட்டதோடு, அவர்களின் அதிகாரத்தை துஷ்பிரயோகம் செய்து ஐஎன்எக்ஸ் மீடியா நிறுவனத்திற்கு சலுகைகளை அளித்ததாகவும் சிபிஐயின் முதல் தகவல் அறிக்கை கூறுகிறது.

Advertisement:

Advertisement

Advertisement
[X] Close