குறவர் இன குடும்பத்தைச் சேர்ந்த பள்ளி மாணவர்கள் மாயம்

கும்பகோணம் அருகே கூடை பின்னும் குறவர் இன குடும்பத்தைச் சேர்ந்த பள்ளி மாணவர்கள் மூன்று பேர் மாயமானது பெரும் அதிர்ச்சியை ஏற்படுத்தியுள்ளது.

கும்பகோணம் அருகே உள்ள பௌவுன்ரிகபுரம் கிராமத்தை சேர்ந்தவர் முருகேசன். குறவர் இனத்தை சேர்ந்த இவருக்கு மனோஜ்,ஜெகதீசன் மற்றும் மகேந்திரன் என மூன்று மகன்கள் உள்ளனர். இவர்கள் மூவரும் அதே பகுதியில் உள்ள அரசு பள்ளியில் படித்து வருகின்றனர். இந்நிலையில் கடந்த 21 ஆம் தேதி பள்ளிக்கு சென்ற இந்த மூன்று மாணவர்களும் வீட்டுக்கு திரும்பவில்லை. இதனால் அதிர்ச்சியடைந்த அவர்களது பெற்றோர் மற்றும் உறவினர்கள் பல இடங்களில் தேடி உள்ளனர். ஆனால் அவர்கள் எங்கு தேடியும் மாணவர்கள் கிடைக்காததால், திருநீலக்குடி காவல் நிலையத்தில் மாணவர்களின் தந்தை முருகேசன் புகார் அளித்தார். முருகேசன் அளித்த அந்த புகாரின் அடிப்படையில் திருநீலக்குடி போலீசார் வழக்குப் பதிவு செய்து காணாமல் போன மூன்று மாணவர்களை தேடி வருகின்றனர்.