கன்னத்தில் அறைந்ததால் அதிமுக பிரமுகருக்கு சரமாரி வெட்டு !

சென்னை பல்லாவரத்தில் அதிமுக பிரமுகர் வெட்டப்பட்ட வழக்கில், பெண் கண்முன்னே ஒருவரை அவர் கன்னத்தில் அறைந்ததே காரணம் என அதிர்ச்சி தகவல் வெளியாகி உள்ளது.

சென்னை பல்லாவரத்தில் சுந்தரேசன் தெருவில் வசித்து வரும் அதிமுக பிரமுகர் விஜயகுமார். இவர் கடந்த இரு தினங்களுக்கு முன்பு மர்ம கும்பலால் சரமாரியாக வெட்டப்பட்டார். அதில் படுகாயமடைந்த அவர், ஆபத்தான நிலையில் மருத்துவமனையில் அனுமதிக்கப்பட்டு உள்ளார். இதுகுறித்து வழக்குப்பதிவு செய்த பல்லாவரம் காவல்துறையினர், சரவணன், விஜயகுமார், பிரகாஷ்ராஜ், நவீன்ராஜ் ஆகிய நால்வரிடம் சந்தேகத்தின் பேரில் விசாரணை மேற்கொண்டனர்.

காவல்துறையின் அந்த விசாரணையின் போது, வேறு ஒரு வழக்கு தொடர்பாக அதிமுக பிரமுகர் விஜயகுமார், பெண் ஒருவரின் கண் முன்னே சரவணனின் கன்னத்தில் அறைந்துள்ளார். இதனால் ஆத்திரமடைந்த சரவணன், தமது நண்பர்கள் விஜயகுமார், பிரகாஷ்ராஜ், நவீன்ராஜ் ஆகியோருடன் சேர்ந்து அவரை வெட்டி கொலை செய்ய முயன்றது தெரியவந்துள்ளது. இதையடுத்து அவர்கள் 4 பேரையும் காவல்துறையினர் கைது செய்தனர். இவ்வழக்கில் தலைமறைவாக உள்ள மேலும் 2 பேரை பல்லாவரம் காவல்துறையினர் தேடி வருகின்றனர்.