6 ஆண்டுகளாக ஒரு பெண்ணை காதலித்து கைவிட்டவர் கைது

திருமணம் செய்வதாகக் கூறி பெண்ணை ஏமாற்றிய இளைஞர் திருவள்ளூரில் கைது செய்யப்பட்டார்.

திருவள்ளூரை சேர்ந்த செந்தில்குமார் என்பவர் 6 ஆண்டுகளாக பெண் ஒருவரை காதலித்ததாகக் கூறப்படுகிறது. இரண்டு ஆண்டுகளுக்கு முன் வெளிநாட்டிற்குச் சென்ற பிறகும், அந்தப் பெண்ணுடன் செந்தில்குமார் தொலைபேசியில் பேசி வந்துள்ளார். இதனிடையே சில நாட்களுக்கு முன் தாயகம் திரும்பிய அவருக்கும், வேறொரு பெண்ணுக்கும் திருமணம் ஏற்பாடு செய்யப்பட்டதால், பாதிக்கப்பட்ட பெண் திருவள்ளூர் மகளிர் காவல் நிலையத்தில் புகார் அளித்திருந்தார்.

இதனையடுத்து கைது செய்யப்பட்ட செந்தில்குமார் காவல் நிலையத்திலேயே அந்தப் பெண்னை திருமணம் செய்துகொள்ள ஒப்புக்கொண்டார். திருமணத்திற்கு அனைத்து ஏற்பாடுகளும் செய்த பிறகு, செந்தில் குமாரின் தாய் பிரச்னை கிளப்பியதால் திருமணம் தற்போது நின்றுபோனது. திருமணம் செய்துகொள்வதாக ஏமாற்றிய புகாரில், செந்தில் குமாரை காவல்துறையினர் தற்போது கைது செய்தனர்.