[X] Close

முதல் பேட்டிங் எடுத்தது தவறா ? - விக்கெட்டுகளை இழந்து தடுமாறும் சிஎஸ்கே..!

CSK-First-Batting-Going-Wrong---Struggle-in-Batting

மும்பை இந்தியன்ஸ் அணிக்கு எதிரான போட்டியில் சென்னை சூப்பர் கிங்ஸ் அணி விக்கெட்டுகளை இழந்து தடுமாறி வருகிறது. 


Advertisement

மும்பை இந்தியன்ஸ் மற்றும் சென்னை சூப்பர் கிங்ஸ் அணிகள் இடையே இன்று இறுதிப் போட்டிக்கான தகுதிச்சுற்று போட்டி நடைபெற்று வருகிறது. போட்டி சென்னை சேப்பாக்கம் மைதானத்தில் நடைபெறுவதால், அரங்கம் முழுவதிலும் சென்னை ரசிகர்கள் குவிந்துள்ளனர். இந்தப் போட்டியில் டாஸ் வென்ற சென்னை அணி முதலில் பேட்டிங் செய்கிறது. எப்போதும் முதலில் பந்துவீச்சை தேர்வு செய்யும் சென்னை கேப்டன் தோனி, இந்த முறை முதலில் பேட்டிங்கை தேர்வு செய்தார். 


Advertisement

ஆனால் முதல் பேட்டிங்கை தொடங்கிய சென்னை அணிக்கு ஆரம்பத்திலேயே விக்கெட்டை இழந்து டு பிளசிஸ் 6 (11) அதிர்ச்சி கொடுத்தார். சுழற்பந்துவீச்சாளர் ராகுல் வீசிய பந்தில் அவர் கேட்ச் அவுட் ஆனார். அதைத்தொடர்ந்து இளம் வீரர் ஜெயந்த் யாதவ் வீசிய பந்தில் சுரேஷ் ரெய்னா 5 (7) ரன்கள் மட்டுமே எடுத்த நிலையில் விக்கெட்டை இழந்தார். 

இதனால் சென்னை ரசிகர்கள் தலையில் கையை வைத்துவிட்டனர். இந்த நிலையில் வாட்சனும் 13 (10) ரன்களில் குருனல் பாண்ட்யாவிடம் விக்கெட்டை இழக்க, முதலில் பேட்டிங்கை தேர்வு செய்ததோ தவறோ ? என்ற கேள்வி பிறந்துள்ளது. 10 ஓவர் நிலவரப்படி சென்னை அணி 3 விக்கெட்டுகள் இழப்பிற்கு 50 ரன்கள் எடுத்துள்ளது. முரளி விஜய் 21 (19) ரன்களுடனும், அம்பத்தி ராயுடு 7 (11) ரன்களுடனும் களத்தில் உள்ளனர். 


Advertisement

Advertisement
[X] Close