Published : 29,Apr 2017 04:52 PM
சுல்தான் அஸ்லான் ஷா கோப்பை ஹாக்கி: இந்தியா-இங்கிலாந்து ஆட்டம் சமன்
சுல்தான் அஸ்லான் ஷா கோப்பை ஹாக்கியில் இந்திய-இங்கிலாந்து அணிகளுக்கு இடையேயான -முதல் போட்டி சமனில் முடிவடைந்தது.
மலேசியோவில் இபோ நகரில் நடைபெற்ற போட்டியில் இரு அணிகளும் தலா இரு கோல்கள் அடித்தன. இந்திய அணிக்காக ஆகாஷ் தீப் 19-வது நிமிடத்தில் முதல் கோல் அடித்தார். சற்று நேரத்தில் இங்கிலாந்து வீரர் டாம் கார்சன் கோல் அடித்து சமன் செய்தார். 47-வது நிமிடத்தில் மன்தீப் சிங் இந்திய அணிக்கான இரண்டாவது கோலை அடித்தார். சிறிது நேரத்தில் இங்கிலாந்து அணியும் மற்றொரு கோல் அடித்தது. இந்தியா, இங்கிலாந்து உடன் மலேசியா, ஆஸ்திரேலியா, நியூசிலாந்து, ஜப்பான் ஆகிய நாடுகள் இந்தப்போட்டித் தொடரில் கலந்து கொண்டுள்ளன.
