Published : 24,Apr 2019 04:47 PM

ரசிகர்களுடன் பிறந்தநாளைக் கொண்டாடிய சச்சின் - வீடியோ 

Sachin-Tendulkar-celebrates-his-birthday-in-Mumbai

ரசிகர்களின் முன்னிலையில் சச்சின் டெண்டுல்கர் கேக் வெட்டி தனது 46வது பிறந்தநாளை கொண்டாடும் வீடியோ சமூக வலைத்தளங்களில் பலராலும் பகிரப்பட்டு வருகிறது.

சர்வதேச கிரிக்கெட் போட்டிகளில் இருந்து 2013 ஆம் ஆண்டுடன் ஓய்வுப் பெற்றார் சச்சின் டெண்டுல்கர். ஆனால் ஓய்வுப் பெற்றாலும் அவருடைய ரசிகர்கள் சச்சினின் மறக்க முடியாத ஆட்டங்களை சமூக வலைத்தளங்களில் அவ்வப்போது பகிர்ந்தும், நினைவுக் கூறியும் வருகின்றனர். 

இந்நிலையில் ஏப்ரல் 24 ஆம் தேதியான இன்று சச்சின் டெண்டுல்கரின் 46 ஆவது பிறந்தநாளை அவரது ரசிகர்கள் கொண்டாடினர். சமூக வலைத்தளங்களில் அவரது புகைப்படங்களையும், கிரிக்கெட் வீடியோக்களையும் பகிர்ந்து வாழ்த்து தெரிவித்து வருகின்றனர். 

இன்று சச்சினுக்கு வாழ்த்து சொல்வதற்காக அவரது வீட்டுக்கு முன்னதாக ரசிகர்கள் குவிந்தனர். அவர்களை காண வந்த சச்சினுடன் பலரும் செல்பி எடுத்துக்கொண்டனர். ரசிகர்களுக்கு முன்னிலையில் கேக் வெட்டி தனது பிறந்தநாளை அவர் கொண்டாடினார்.

சச்சினின் தீவிர ரசிகரான சுதிர் குமார் சவுத்ரி உட்பட பலரும் சச்சினுக்கு நினைவுப்பரிசுகளை வழங்கினார். ரசிகர்களுடன் சச்சின் பிறந்தநாள் கொண்டாடிய வீடியோ சமூக வலைத்தளங்களில் பரவி வருகிறது.

சற்று முன்



எடிட்டர் சாய்ஸ்