சர்வதேச தரத்தில் ஜெயலலிதா நினைவிடம்: அமைச்சர் தகவல்

மறைந்த முதலமைச்சர் ஜெயலலிதாவின் நினைவிடம் சர்வதேச தரத்துடன் புதுப்பிக்கப்படும் என பால்வளத்துறை அமைச்சர் ராஜேந்திரபாலாஜி தெரிவித்துள்ளார்.

திண்டுக்கல் மாவட்டம் கொடைக்கானலில் உள்ள பிரயண்ட் பூங்காவில் எதிர்வரும் மே மாதம் 56 வது மலர்க்கண்காட்சி நடக்கவுள்ளது. பிரயண்ட் பூங்காவில் நடைபெறவிருக்கும் இந்த பூங்காவை தமிழக பால்வளத்துறை அமைச்சர் ராஜேந்திர பாலாஜி பார்வையிட்டு, பூங்கா சுற்றுலா பயணிகளை கவரும் வகையில் பராமரிக்கப்பட்டுள்ளதாக புகழாரம் சூட்டினார்.

பின்னர் செய்தியாளர்களின் கேள்விக்கு பதில் அளித்த அவர், விரைவில் அதிமுகவின் இரண்டு அணியினரும் விரைவில் இணைய உள்ளதாகவும், மறைந்த முன்னாள் முதல்வர் ஜெயலலிதாவின் நினைவிடம் சர்வதேச தரத்துடன் புதுப்பிக்கப்படும் என்றும், பழனி தொகுதியில் ஒரு கோடி செலவில் புதிய பால்வளப்பண்ணை ஒரு வாரத்திற்குள் திறக்கப்படும் என்றும், கொடைக்கானல் பேருந்து நிலையத்திற்கு சொந்தமான 7 ஏக்கர் நிலம் கையகப்படுத்த நடவடிக்கை எடுக்கப்படும் என்று தகவல் அளித்தார். முடிவில் கொடைக்கானல் ஏரியில் உல்லாச படகு சவாரி செய்து மகிழ்ந்தார்.