காரின் பின் பக்கத்தில் இழுத்துச் செல்லப்பட்டு இளைஞர் பரிதாப பலி

இருசக்கர வாகனத்தில் சென்றபோது விபத்து ஏற்பட்டு காரின் பின்பக்கத்தில் சிக்கி 10 கிலோமீட்டர் தூரம் வரை இழுத்து சென்று ஒருவர் பலியான சம்பவம் அதிர்ச்சியை ஏற்படுத்தியுள்ளது.

கடலூர் மாவட்டம் விருத்தாசலம் அடுத்த வி.சாத்தமங்கலம் பகுதியை சேர்ந்த பாலமுருகன், அப்துல் மோஷின் ஆகிய இருவரும் இருசக்கர வாகனத்தில் நெய்வேலி நோக்கி திருமணத்துக்கு சென்றதாக கூறப்படுகிறது. இந்த நிலையில் நெய்வேலி பகுதியில் இருந்து விருத்தாசலம் நோக்கி ஒருவர் கார் ஓட்டி வந்துள்ளார். கார் திடிரென கட்டுபாட்டை இழந்து, இருசக்கர வாகனத்தில் நெய்வேலி நோக்கி சென்று கொண்டிருந்த பாலமுருகன், அப்துல் மோஷின் மீது மோதியது.

இதில் பாலமுருகன் என்பவர் படுகாயமடைந்தார். பின்னால் அமர்ந்து வந்த மோஷின் காரின் பின்பக்கத்தில் சிக்கி கொண்டுள்ளார். ஆனால் கார் ஓட்டுனர் அது  தெரியாமல் காரை ஓட்டிச் சென்றுள்ளார். விபத்தில் படுகாயமடைந்த மோஷின் 10 கிலோமீட்டர் தூரம் வரை இழுத்து சென்ற கார்கூடல் கிராமத்தில் உறுப்புகள் சிதறி உயிழந்துள்ளார்.

பின்னர் இருசக்கர வாகனத்தில் பின்னால் அமர்ந்து வந்த  மோஷின் காணவில்லை என ஊ.மங்கலம் போலீசார் தேடிய வந்த நிலையில் சாலையில் இழுத்து சென்றது போல் இரத்த கரையை வைத்து கார் கூடல் கிராமத்தில் உறுப்புக்கள் சிதறி சடலமாக மீட்கபட்டார். இதனையடுத்து விபத்துக்கு காரணமான காரை  காவல்துறையினர் தேடி வருகின்றனர். சினிமா காட்சி போல நடந்த இந்த சம்பவம் அப்பகுதி மக்களிடையே பெரும் சோகத்தையும் அதிர்ச்சியையும்  ஏற்படுத்தியுள்ளது.