[X] Close

திமுக வேட்பாளர்கள் நேர்காணல்: இன்று நடக்கிறது

DMK-to-interview-candidates-today

மக்களவைத் தேர்தலில், திமுக சார்பில் போட்டியிட விருப்பமனு அளித்தவர்களிடம் இன்று நேர்காணல் நடைபெறவுள்ளது.

மக்களவைத் தேர்தலில் போட்டியிட விரும்பி தலைமைக் அலுவலகத்தில் விண்ணப்பித்தவர்களிடம் திமுக தலைவர் மு.க.ஸ்டாலின் இன்று காலை நேர்காணல் நடத்துகிறார். அண்ணா அறிவாலயத்தில் நடைபெறவுள்ள இந்த நேர்காணலின்போது விருப்ப மனு அளித்தோரிடம் தொகுதி நிலவரம், வெற்றி வாய்ப்பு குறித்தும் ஸ்டாலின் ஆலோசனை நடத்தவுள்ளதாகத் தெரிகிறது.


Advertisement

மேலும் இந்த நேர்காணலின்போது அந்தந்த மக்களவைத் தொகுதிகளைச் சேர்ந்த மாவட்டச் செயலாளர்கள், மாவட்ட நிர்வாகிகள், செயற்குழு, பொதுக்குழு உறுப்பினர்கள், ஒன்றிய, நகர, பகுதி செயலாளர்கள் மட்டுமே பங்கேற்க வேண்டும் என அறிவுறுத்தப்பட்டிருப்பதாக கூறப் படுகிறது. 

வேட்பாளர்கள் தங்களுக்கான ஆதரவாளர்களையோ, பரிந்துரையாளர்களையோ அழைத்து வரக்கூடாது என்றும், அவர்களை எல்லாம் நேர்காணலின்போது அனுமதிக்க முடியாது என்றும் திட்டவட்டமாக தெரிவிக்கப்பட்டுள்ளது.

சட்டப்பேரவை இடைத்தேர்தலுக்கான நேர்காணல் நேற்று நடந்து முடிந்த நிலையில், மக்களவைத் தேர்தலுக்கான நேர்காணலும் இன்றும் முடிந்ததும், நாளை காலை அண்ணா அறிவாலயத்தில் திமுக மாவட்ட செயலாளர்கள் கூட்டம் நடைபெறும் என்றும் அறிவிக்கப்பட்டுள்ளது. இதில் பங்கேற்கும்படி அனைத்து மாவட்டச் செயலாளர்களுக்கும் அழைப்பு விடுக்கப்பட்டுள்ளது.

Advertisement:

Advertisement

Advertisement
[X] Close