அதென்ன பாகுபலி சாப்பாடு?

பாகுபலி படத்தை பிரபலப்படுத்தும் நோக்கில் பாகுபலி உணவு என்ற பெயரில் உணவுவகை ஒன்று அகமதாபாத்தில் அறிமுகமாகியுள்ளது. ரஜ்வாடு என்ற உணவகத்தின் உரிமையாளர்கள் ராஜேஷ் படேல், மனிஷ் படேல் ஆகியோர் இந்த புதுமையான உணவை அறிமுகம் செய்துள்ளனர். பாகுபலி படத்தின் முதல் பாகத்தில் இடம்பெற்ற சண்டை காட்சிகளை மையப்படுத்தி குஜராத்தி மற்றும் ராஜஸ்தானி உணவு வகைகளில் பயன்படுத்தும் பாரம்பரிய மசாலா கொண்டு காரசாரமான உணவை தயாரித்துள்ளனர். கிராமத்துச் சூழலை ஏற்படுத்த குடில், கயிற்று கட்டில் அமைத்து பாகுபலி உணவை பரிமாறுகின்றனர்.

‘வழக்கமான சாப்பாடு அனைத்துக் கடைகளிலும் கிடைக்கிறது. அதில் இருந்து வித்தியாசமாகப் பண்ண வேண்டும் என்று பாகுபலி உணவை உருவாக்கியுள்ளோம். இதற்கு நல்ல வரவேற்பு கிடைத்துள்ளது. இதில் பல வகை வித்தியாசமான உணவுகள் இடம்பெறும்’ என்று தெரிவித்தார் படேல்.