[X] Close

இந்த முறையும் தேர்தலில் வைகோ போட்டியிடவில்லை?

Vaiko-did-not-contest-in-this-Lok-sabha-election

மதிமுக பொதுச்செயலாளர் வைகோ, 40 தொகுதிகளிலும் பரப்புரை மேற்கொள்ள இருப்பதால் மக்களவைத் தேர்தலில் போட்டியிட வாய்ப்பில்லை எனத் தகவல் வெளியாகியுள்ளது.

நாடாளுமன்றத் தேர்தலில் திமுக தலைமையிலான கூட்டணியில் மதிமுகவுக்கு ஒரு மக்களவைத் தொகுதியும், ஒரு மாநிலங்களவை உறுப்பினர் பதவியும் வழங்க ஒப்பந்தம் கையெழுத்தாகியுள்ளது. திமுக மற்றும் மதிமுக இடையிலான மூன்றாம் கட்ட தொகுதிப் பங்கீடு பேச்சு வார்த்தை அண்ணா அறிவாலயத்தில் இன்று நடைபெற்றது. இந்தப் பேச்சு வார்த்தையின் நிறைவில், மதிமுகவுக்கு ஒரு மக்களவைத் தொகுதியை ஒதுக்கீடு செய்தும், ஒரு மாநிலங்களவை உறுப்பினர் இடம் வழங்குவது எனவும் உடன்பாடு ஏற்பட்டது. 


Advertisement

Related image

இதனைத்தொடர்ந்து தொகுதி உடன்பாடு ஒப்பந்தத்தில் ஸ்டாலினும், வைகோவும் கையெழுத்திட்டனர். இதன் மூலம் மதிமுக பொதுச் செயலாளர் வைகோ, மாநிலங்களவை உறுப்பினராக தேர்வு செய்யப்பட வாய்ப்பு உள்ளதாக கூறப்படுகிறது. 40 தொகுதிகளிலும் வைகோ பரப்புரை மேற்கொள்ள திமுக விரும்புவதால் அவர் மக்களவைத் தேர்தலில் போட்டியிட வாய்ப்பில்லை எனத் தெரிகிறது. 

Advertisement:

Advertisement

Advertisement
[X] Close