[X] Close

நடத்தையில் சந்தேகம்: மனைவியை கத்தியால் குத்திக் கொன்ற கணவர்

Husband-killed-wife-near-tirupur

காதல் திருமணம் செய்த மனைவியின் நடத்தையில் சந்தேகமடைந்த கணவன், கத்தியால் குத்தியதில் மனைவி பரிதாபமாக உயிரிழந்தார்.

திருப்பூர் மாவட்டம் பல்லடம் அருகே அருள்புரம் செந்தூரான் காலனி பகுதியைச் சேர்ந்தவர் முருகேஷ்(36). இவரது மனைவி ஜேஸ்மின் (34). கணவன், மனைவி இருவரும் பனியன் தொழிலாளர்கள். இவர்களுக்கு கிஷோர்(12), பிரசன்னா (9) ஆகிய இரண்டு மகன்கள் உள்ளனர். குழந்தைகள் இருவரும் தர்மபுரியிலுள்ள ஜேஸ்மினின் பெற்றோர் வீட்டில் வளர்ந்து வருகின்றனர்.


Advertisement

இதனிடையே கடந்த சில மாதங்களாகவே மனைவி மீது கணவருக்கு ஏற்பட்ட சந்தேகம் காரணமாக அடிக்கடி தகராறு ஏற்பட்டு வந்ததாக கூறப்படுகிறது. குடும்பத் தகராறை அக்கம்பக்கத்தில் உள்ளவர்கள் மற்றும் உறவினர்கள் தலையிட்டு சமரசம் செய்து வந்ததாகவும் கூறப்படுகிறது. இந்நிலையில் நேற்று மாலை  நீண்ட நேரமாகியும் முருகேஷின் வீடு திறக்கப்படாததால் சந்தேகமடைந்த அருகிலுள்ளவர்கள், வீட்டருகே சென்று பார்த்தபோது வீட்டினுள் உடல் முழுக்க கத்திக்குத்துக் காயங்களுடன் ஜேஸ்மின் ரத்த வெள்ளத்தில் பிணமாக கிடந்ததை கண்டு அதிர்ச்சியடைந்தனர். பின்னர் இதுகுறித்து பல்லடம் போலீசாருக்குத் தகவல் தெரிவித்தனர்.

சம்பவ இடத்திற்கு விரைந்து சென்ற போலீசார் ஜேஸ்மினின் உடலைக் கைப்பற்றி பல்லடம் அரசு மருத்துவமனைக்கு பிரேதப் பரிசோதனைக்காக அனுப்பிவைத்தனர். அதனைத் தொடர்ந்து போலீசார் வழக்குப்பதிவு செய்து விசாரணை மேற்கொண்டதில், கணவன், மனைவி இருவரும் பரஸ்பரம் நடத்தையில் சந்தேகமடைந்து தகராறு செய்து வந்ததும், நேற்று குடும்பத்தில் ஏற்பட்ட தகராறில் ஆத்திரமடைந்த முருகேஷ் தனது மனைவியை கத்தியால் குத்திக் கொலை செய்துவிட்டுத் தப்பியோடியதும் தெரியவந்துள்ளது. இந்நிலையில் முருகேஷ் தாமாக வந்து காவல் நிலையத்தில் சரணடைந்தார். அவரிடம் போலீசார் விசாரணை மேற்கொண்டு வருகின்றனர்.

Advertisement:

Advertisement

Advertisement
[X] Close