[X] Close

புல்வாமா தாக்குதலை கண்டித்து நியூஸிலாந்து நாடாளுமன்றத்தில் தீர்மானம்

Pulwama-Attack---New-Zealand-Parliament-filed-Condemned

புல்வாமா தாக்குதலுக்கு கண்டனம் தெரிவித்து, நியூசிலாந்து நாடாளுமன்றத்தில் ஏகமனதாக தீர்மானம் நிறைவேற்றப்பட்டுள்ளது.

ஜம்மு-காஷ்மீர் மாநிலம் புல்வாமாவில் ஜெய்ஷ் இ முகமது பயங்கரவாதிகள் நடத்திய தாக்குதலில் 40-க்கும் மேற்பட்ட சிஆர்பிஎஃப் வீரர்கள் உயிரிழந்தனர். இந்தச் சம்பவத்திற்கு பல்வேறு நாடுகள் கடும் கண்டனம் தெரிவித்து வருகின்றன. இந்தச் சூழலில் நியூசிலாந்தில் இன்று நாடாளுமன்றம் கூடியதும் புல்வாமா தாக்குதலுக்கு கண்டனம் தெரிவிப்பதற்கான தீர்மானம் கொண்டு வரப்பட்டது. 


Advertisement

துணை பிரதமர் விண்ட்ஸ்டன் பீட்டர்ஸ் கொண்டு வந்த இந்தத் தீர்மானத்திற்கு கட்சி பேதமின்றி, அனைத்து உறுப்பினர்களும் ஒருமனதாக ஆதரவு தெரிவித்து, தீர்மானத்தை நிறைவேற்றினர். இதைத் தொடர்ந்து பேசிய துணை பிரதமர் பீட்டர்ஸ், பயங்கர‌வாதத்தால், இந்திய ராணுவ வீரர்கள் உயிரிழந்திருப்பது மிகுந்த மன வேதனையை அளிக்கிறது எனத் தெரிவித்தார். உயிரிழந்த வீரர்களின் குடும்பத்தினருக்கும், இந்தியர்களுக்கும், நியூசிலாந்து மக்கள் சார்பில்‌ஆழ்ந்த அனுதாபங்களை தெரிவித்துக் கொள்வதாகவும் பீட்டர்ஸ் பேசினார்.

Advertisement:

Advertisement

Advertisement
[X] Close