[X] Close

தக்க பதிலடி கொடுங்கள் : வலுக்கும் மக்கள் கோரிக்கை

Kashmir-Terrorist-Attack---Indian-People-angry-reaction

காஷ்மீரில் நடத்தப்பட்ட பயங்கரவாதா தாக்குதலுக்கு தக்க பதிலடி கொடுங்கள் என இந்திய மக்கள் கொந்தளித்துள்ளனர்.

காஷ்மீர் மாநிலம் ஜம்முவில் இருந்து நேற்று 78 வாகனங்களில் ‌2 ஆயிரத்து 500க்கும் மேற்பட்ட மத்திய ரிசர்வ் பாது‌காப்புப் படையினர் மீது தாக்குதல் நடத்தப்பட்டது. விடுப்பில் சொந்த ஊர் சென்று, பின் மீண்டும் பணியில் சேர வந்த வீரர்கள் மீது இந்த தாக்குதல் நடத்தப்பட்டது. 350 கிலோ வெடிபொருட்களை கொண்டு நடத்தப்பட்ட இந்த தற்கொலைப்படை தாக்குதலில் 40 சி.ஆர்.பி.எப் வீரர்கள் உயிர் தியாகம் செய்தனர். இதில் தமிழகத்தை சேர்ந்த இருவர் இறந்துள்ளதாக சி.ஆர்.பி.எப் தரப்பிலிருந்து தெரிவிக்கப்பட்டுள்ளது.


Advertisement

இந்நிலையில் இந்திய மக்கள் இந்த தாக்குதலுக்கு கடும் கண்டனம் தெரிவித்து வருகின்றனர். அத்துடன் இந்த தாக்குதலுக்கு பதிலடி கொடுக்க வேண்டும் என கொந்தளித்து வருகின்றனர். சமூக வலைத்தளங்களிலும் இது எதிரொலித்து வருகின்றது. தாக்குதல் நடத்திய தீவிரவாதிகளை விடக்கூடாது, இந்திய ராணுவம் களத்தில் இறங்க வேண்டும் எனக் கண்டனக் குரல்கள் அதிகரித்து வருகின்றன. மேலும், உயிர்த்தியாகம் செய்த வீரர்களுக்கும் இரங்கல்கள் குவிந்து வருகின்றன.

தாக்குதல் நடத்தப்பட்டது தொடர்பாக பொறுப்பேற்றுள்ள அமைப்பிற்கும், தாக்குதலுக்கு தலைமை தாங்கிய அடில் அகமதுவிற்கும் எதிராக கண்டனங்கள் எழுந்துள்ளன. அதில், இந்த தீவிரவாதக் கூட்டத்தை விடவேண்டாம், இந்திய பதிலடி அவர்களுக்கு பாடம் புகட்ட வேண்டும் எனவும் மக்கள் தெரிவித்து வருகின்றனர்.

Advertisement:

Advertisement

Advertisement
[X] Close