[X] Close

தேசியக்கொடி ஏற்றியபோது செல்போனில் பேசிய ரயில்வே அதிகாரி

Railway-officer-using-cellphone-when-Flag-Hoisting

சென்ட்ரல் ரயில் நிலையத்தில் தேசியக்கொடி ஏற்றும்போது ரயில் நிலைய துணை அதிகாரி செல்போனில் பேசும் வீடியோ காட்சிகள் வெளியாகி உள்ளது.


Advertisement

நாடு முழுவதும் 70-வது குடியரசு தினம் இன்று கோலாகலமாக கொண்டாடப்பட்டு வருகிறது. சென்னை மெரினா கடற்கரையில் நடைபெற்ற விழாவில் ஆளுநர் பன்வாரிலால் புரோஹித் தேசியக்கொடியை ஏற்றிவைத்தார். இதுதவிர அந்தந்த மாவட்டங்களிலும் மாவட்ட ஆட்சித் தலைவர் தேசியக் கொடியை ஏற்றி வைத்து சிறப்பித்தனர்.


Advertisement

சென்ட்ரல் ரயில் நிலையத்திலும் தேசியக்கொடி ஏற்றப்பட்டு ஒவ்வொரு ஆண்டும் குடியரசுத் தினம் கொண்டாடப்படுவது வழக்கம். அந்தவகையில், இந்தாண்டும் சென்ட்ரல் ரயில் நிலைய முகப்பு வாயிலில் தேசியக் கொடி ஏற்றப்பட்டது. பின்னர் தேசியகீதம் இசைக்கப்பட்டபோது, ரயில் நிலைய துணை அதிகாரி தேசியக்கொடிக்கு மரியாதை செலுத்தாமல் அந்தநேரம் பார்த்து தனது செல்போனில் பேசுகிறார். தனது பாக்கெட்டில் இருந்து செல்போனை எடுத்து அதனை அவர் காதில் வைக்கும் வீடியோ காட்சிகள் வெளியாகி உள்ளது.

இந்நிலையில் இந்த சர்ச்சை குறித்து சென்ட்ரல் ரயில் நிலைய இயக்குனர் விளக்கம் அளித்துள்ளார். அதில் “ கொடியேற்றம் நடைபெற்ற உடன் தேசிய கீதம் இசைக்கப்பட்டிருக்க வேண்டும். ஆனால் இசைக்கப்படவில்லை, தேசிய கீதத்தை இசைக்குமாறு சம்பந்தப்பட்ட ஆடியோ இன்ஜினீயர்க்கு தகவல் வழங்கவே ரவிக்குமார் தொலைபேசியை உபயோகித்துள்ளார். இனி இது போன்ற தவறு நிகழாததை உறுதி செய்வோம்” என தெரிவித்துள்ளார்.

வீடியோ


Advertisement

Advertisement
[X] Close