[X] Close

சுரங்க விபத்து: 28 லட்சம் லிட்டர் நீரை வெளியேற்றியும் பலன் இல்லை!

Meghalaya-mine-tragedy--28-L-litres-of-water-drained-out--still-no-change

மேகாலயா சுரங்கத்தில் இருந்து 28 லட்சம் லிட்டர் நீரை வெளியேற்றியும் மீட்பு பணியில் முன்னேற்றம் இல்லை என்று கூறப்படுகிறது. 

மேகாலயாவில் கிழக்கு ஜைன்டியா மாவட்டத்தில் ஏராளமான சுரங்கங்கள் உள்ளன. கைவிடப்பட்ட சில சட்ட விரோத சுரங்கங்களும் இங்கு செயல்பட்டு வருகின்றன. இந்த மாவட்டத்தில் உள்ள சான் கிராமத்தில், கைவிடப்பட்ட சுரங்கம் ஒன்று சட்டவிரோதமாக செயல்பட்டு வந்தது. ’எலி வளை’ சுரங்கம் என்ற சொல்லப்படுகிற இந்தச் சிறிய சுரங்கத் துக்குள் மழை காரணமாக, அருகில் உள்ள லைத்தின் ஆற்றில் இருந்து கடந் த மாதம் 13 ஆம் தேதி தண்ணீர் புகுந்தது. இதனால் சுரங்கத்தில் வேலை செய்துகொண்டிருந்த தொழிலாளர்களில் 15 பேர், அதற்குள் சிக்கினர். அதில் 2 பேர் வெளியேறிவிட்டனர். 13 பேர் மாட்டிக்கொண்டனர்.


Advertisement

இதையடுத்து தேசிய பேரிடர் மீட்புப்படை, தீயணைப்பு படை, கடற்படை வீரர்கள் முகாமிட்டு அவர்களை மீட்கும் முயற்சிகளை மேற்கொண்டு வருகின்றனர். ம்தண்ணீரை வெளியேற்ற முடியாமல் மீட்பு படையினர் தவித்து வருகின்றனர். ஒரு மாதம் ஆகியும் அவர்களின் நிலை என்னவானது என்று தெரியவில்லை. 

தொடர்ந்து மீட்பு பணிகள் நடந்துவருகிறது. தண்ணீரை வெளியேற்றும் பணியில் சக்தி வாய்ந்த மோட்டார் பம்புகள் பயன்படுத்தப்பட்டு வருகின்றன. கோல் இண்டியா, கிர்லோஸ்கர் பிரதர்ஸ் லிமிடெட் ஆகிய நிறுவனங்கள் இந்த பம்புகளை வழங்கியுள்ளன.

கடந்த புதன்கிழமை மாலை வரை, 28 லட்சம் லிட்டர் தண்ணீரை வெளியேற்றியுள்ளனர். இருந்தாலும் சுரங்கத்துக்குள் தண்ணீர் அளவு குறைய வில்லை. 

இதுபற்றி இந்த மீட்புக் குழுவின் செய்தி தொடர்பாளர் ஆர்.சுசுங்கி கூறும்போது, ‘’கடற்படையினர் தண்ணீருக்குள் மூழ்கி, ஆறு சுரங்கத்துக்குள் தேடுதலை நடத்தினர். அதில் முன்னேற்றமில்லை. தொடர்ந்து முயன்று வருகிறோம்’’ என்றார். 

Advertisement:

Advertisement

Advertisement
[X] Close