[X] Close

நூற்றாண்டை கடந்த ஆங்கிலேயர் பாலம் : கேக் வெட்டி கொண்டாடிய மக்கள்

British-Period-Time-Bridge-cross-more-than-100-Years-in-Madurai---People-celebrate-it-birth-day-with-cake

மதுரையில் நுாற்றாண்டு கடந்த ஆங்கிலேயர் கால பாலத்திற்கு கேக் வெட்டி பொதுமக்கள் பிறந்தநாள் கொண்டாடினர். 

மதுரை மாநகரின் உள்ள ஆங்கிலேயர்களுடைய கட்டடங்களின் அடையாளமாய் வைகை ஆற்றில் நடுவே இருக்கும் ஏ.வி.மேம்பாலம், 1886ஆம் ஆண்டில் ஆல்பர்ட் விக்டர் என்ற ஆங்கிலேயரால் கட்டப்பட்டது. அவரது பெயரின் சுருக்கமாக ஏ.வி.பாலம் என்று மக்களால் இது அழைக்கப்படுகிறது. இந்த பாலம் தனது ஆயுட்காலமான நுாற்றாண்டை கடந்தும் 33 ஆண்டுகளாக வீரியத்துடன் தாங்கி நிற்கிறது. 


Advertisement

அழகுநயம்மிக்க வடிவமைப்பு, ஆங்கிலேயக் கட்டடக்கலையை எடுத்துரைக்கும் வகையில் 14 வளைவுகளை இந்தப் பாலம் கொண்டுள்ளது. இன்றுடன் 133வது வயதை தொடங்கும் இந்த பாலம், 1886ல் 2 லட்சத்து 80 ஆயிரம் செலவில் கட்டப்பட்டது. இதன் ஆயுள் காலம் ஐம்பது ஆண்டுகள் என நிர்ணயம் செய்யப்பட்ட நிலையில், 100 ஆண்டுகளை தாண்டி இன்று 133ஆம் ஆண்டு பிறந்த நாளை கொண்டாடும் அளவிற்கு கம்பீரமாக காட்சியளிக்கிறது. 

இதனால் மதுரையை சேர்ந்த பொதுமக்கள் மற்றும் வைகை நதி மக்கள் இயக்கம் மற்றும் பல்வேறு சமூக அமைப்புகள் ஒன்றிணைந்து இந்த பாலத்தின் கல்வெட்டிற்கு அருகே கேக் வெட்டி உற்சாகமாக கொண்டாடினர். இந்த நிகழ்வு காண்போரை
நெகிழ்ச்சியடையச் செய்தது.

Advertisement:

Advertisement

Advertisement
[X] Close