முகத்தைக் கேமிராவில் காண்பித்தால்தான் டிஷ்யூ பேப்பர்

பொதுக் கழிப்பறையில் பயன்படுத்த வைக்கப்படும் டிஷ்யூ பேப்பர் காணாமல் போவதைத் தடுக்க சீன அரசு புதிய தொழில்நுட்பத்தை கையாள உள்ளது. இதற்காக சுமார் ‌3 ஆயிரம் கோடி ரூபாய் செலவு செய்துள்ளது.

பெய்ஜிங்கில் உள்ள பொது கழிப்பிடங்களில் அடிக்கடி டிஷ்யூ பேப்பர் காணாமல் போவதாக புகார் எழுந்தது. பயன்படுத்துபவர்களே இதைத் திருடிச் செல்வதால் டிஷ்யூ பேப்பர் வாங்கும் செலவு சீனாவில் அதிகரித்தது. இதற்கு முற்றுப் புள்ளிவைக்கும் விதமாக பெய்ஜிங் நகரில் உள்ள பொதுக்கழிப்பிடங்களில் அதிநவீன முறையில் முகத்தை ஸ்கேன் செய்யும் கேமரா பொருத்தப்பட்டுள்ளது.

கழிப்பிடத்துக்கு வருபவர்கள் இந்த ஸ்கேனர் கேமரா முன் நின்ற பின் 2 அடி நீளத்துக்கு டிஸ்யூ பேப்பர் கிடைக்கும். இந்த புதிய முறையால் யாரெல்லாம் இந்த கழிப்பிடத்தைப் பயன்படுத்தினார்கள், எத்தனை முறை டிஷ்யூ பேப்பர் எடுக்கப்பட்டது போன்ற தகவல்கள் ஸ்கேன் இயந்திரத்தில் பதிவாகிவிடும். இதனால் திருட்டு நடக்க வாய்ப்பில்லை என பெய்ஜிங் மாநகராட்சி நிர்வாகம் தெரிவித்துள்ளது. இந்த புதிய தொழில்நுட்பத்துக்கு சீன அரசு சுமார் 23 ஆயிரம் கோடி ரூபாய் வரை செலவு செய்துள்ளது.