[X] Close

அரசியலில் ரஜினிக்கு எதிராக களமிறங்கும் இயக்குநர் கவுதமன்

Gowthaman-is-against-Rajini-in-politics

ரஜினிகாந்த் எந்த தொகுதியில் போட்டியிட்டாலும் அவரை எதிர்த்து போட்டியிடுவேன் என இயக்குநர் கவுதமன் தெரிவித்துள்ளார். 

நடிகர் ரஜினிகாந்த் ’மக்கள் மன்றம்’ என்ற பெயரில் அரசியல் கட்சி தொடங்குவதற்கான அனைத்து வேலைப்பாடுகளையும் செய்து வருகிறார். கமல்ஹாசன் ’மக்கள் நீதி மய்யம்’ என்ற பெயரில் கட்சி தொடங்கி மக்களை நேரடியாக சந்தித்து வருகிறார். 

இந்நிலையில், இயக்குநர் கவுதமன் சென்னை பத்திரிக்கையாளர் மன்றத்தில் செய்தியாளர்களை சந்தித்தார். அப்போது பேசிய அவர், தமிழர்களின் மொழி, பண்பாடு, கலாச்சாரம், உரிமை ஆகியவற்றை காப்பதற்காக புதிய கட்சி தொடங்க உள்ளதாக அறிவிப்பு வெளியிட்டுள்ளார். 


Advertisement

மேலும் வரும் தை மாதம் நடைபெறும் மாநாட்டில் புதிய கட்சியின் பெயர், கொடி, சின்னம், கொள்கை உள்ளிட்டவைகள் அறிவிக்கப்படும் எனவும் குறிப்பிட்டுள்ளார். 

கமல்ஹாசன், ரஜினிகாந்த் ஆகியோர் சிறந்த கலைஞர்கள், அதை நான் மதிக்கிறேன் எனவும் ஆனால் இந்த மண்ணை ஆழ்வதற்கு அவர்களுக்கு தகுதி இல்லை எனவும் தெரிவித்தார். 

விஸ்வரூபம் படத்தின் போது நாட்டை விட்டு வெளியேறுவேன் என கூறிய கமல் நாட்டை எப்படி காப்பாற்றுவார் எனவும் ரஜினிகாந்த் எந்த தொகுதியில் போட்டியிட்டாலும் அவரை எதிர்த்து போட்டியிடுவேன் எனவும் இயக்குநர் கவுதமன் தெரிவித்துள்ளார். 

வீடியோ

Advertisement:

Advertisement

Advertisement
[X] Close