Published : 04,Apr 2017 03:54 PM
இதுதான் தலையெழுத்து என்றால் தேவையில்லை: தமிழிசை காட்டம்
இடைத் தேர்தல் என்றால் நியாயமாக நடைபெறாது. இப்படித்தான் முறைகேடாக நடைபெறும் என்று தலையெழுத்து இருந்தால் அந்த தலையெழுத்து எங்களுக்கு தேவையில்லை என பாஜக மாநிலத் தலைவர் தமிழிசை சவுந்தரராஜன் கூறினார்.
சென்னையில் செய்தியாளர்களிடம் பேசிய அவர், ஆர்.கே.நகர் தொகுதியில் 200, 300 பேர் உட்கார்ந்து பணப்பட்டுவாடா செய்து கொண்டிருக்கிறார்கள். கண்ணுக்கு தெரியாத வகையில் பல பரிமாணங்களில் இந்த பணப்பட்டுவாடா நடைபெறுகிறது. ஆனால் பயனாளிகளுக்கு நேரடியாக பலன் போய் சென்றுவிடும். எனவே ஆர்.கே.நகரில் நியாயமான தேர்தல் நடைபெற வேண்டும் என வலியுறுத்தினார். இல்லை இடைத்தேர்தல் என்றால் முறைகேடாகத் தான் நடைபெறும் என தலையெழுத்து இருந்தால் அந்த தலையெழுத்து எங்களுக்கு தேவையில்லை என்றும் கூறினார்.
