Published : 29,Oct 2018 11:29 AM

ஒரே குடும்பத்தை சேர்ந்த 25 பேர் தற்கொலை முயற்சி

Same-Family-Attempt-suicide-in-Dindigul-Collector-office

திண்டுக்கல் ஆட்சியர் அலுவலகத்தில் ஒரே குடும்பத்தைச் சேர்ந்த 25 பேர் தீக்குளிக்க முயன்றதால் பரபரப்பு ஏற்பட்டது. 

திண்டுக்கல் மாவட்டம் அஞ்சுகுளிப்பட்டியைச் சேர்ந்தவர்கள் நாகம்மாள் மற்றும் அவரது குடும்பத்தினர். இவர்களுக்கு சொந்தமான 3 ஏக்கர் விவசாய நிலத்தை பொதுப்பாதைக்காக கேட்டு, அதே ஊரைச் சேர்ந்த 5 பேர் கொலை மிரட்டல் விடுப்பதாகக் கூறப்படுகிறது. இதுதொடர்பாக நாகம்மாள் வீடு மீது முன்பு ஒருமுறை தாக்குதல் நடத்தப்பட்டதாக தெரிகிறது. 

மிரட்டல் குறித்து பலமுறை சாணார்பட்டு வட்டார வளர்ச்சி அலுவலர் ரேணுகா தேவியிடம் நாகம்மாள் குடும்பத்தினர் புகார் அளித்தும் நடவடிக்கை எடுக்கப்படவில்லை என்று கூறப்படுகிறது. இதனையடுத்து தங்களிடம் இருந்து நிலத்தை அபகரிக்க முயல்பவர்கள் மீது நடவடிக்கை எடுக்கக்கோரி, நாகம்மாள் குடும்பத்தினர் மாவட்ட ஆட்சியர் அலுவலகத்தில் இன்று மண்ணெணெய் ஊற்றி தற்கொலை செய்து கொள்ள முயன்றனர். 

அப்போது அவர்களிடமிருந்த மண்ணெண்ணெய் கேனை பறித்து தற்கொலை முயற்சியை காவல்துறையினர் தடுத்தனர். இதனையடுத்து அவர்கள் தங்களது கோரிக்கை மனுவை மாவட்ட வருவாய் அலுவலரிடம் வழங்கினர். மனுவை விசாரித்து உரிய நடவடிக்கை எடுப்பதாக வருவாய் அலுவர் தெரிவித்துள்ளார்.

சற்று முன்



எடிட்டர் சாய்ஸ்