[X] Close

அடுத்த இரண்டு நாட்களுக்கு மழை - வானிலை மையம்

Chennai-Met-announced-next-two-day-due-rain

தமிழகம் மற்றும் புதுச்சேரியில் அடுத்த 2 நாட்களுக்கு இடியுடன் கூடிய மழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது.

சென்னையில் நேற்று முதல் மழை பெய்து வருகிறது. இன்றும் சில இடங்களில் தூரலும், மேக மூட்டமாய் காணப்படுகின்றது. இந்நிலையில் செய்தியாளர்களிடம் பேசிய சென்னை வானிலை மைய இயக்குநர் ஸ்டெல்லா, “வெப்ப சலனம் காரணமாக அடுத்த இரண்டு நாட்களில் தமிழகத்தில் இடியுடன் கூடிய மழைபெய்யும். வடகிழக்கு பருவமழை தொடங்குவதற்கான சூழல் உருவாகியுள்ளது. வரும் 20ம் தேதி தென்மேற்கு பருவமழை இந்தியா முழுவதும் முழுமையாக நிறைவுபெறும். வளிமண்டலத்தில் காற்றின் மேல்அடுக்கு சுழற்சி தெற்கு கடலோர ஆந்திரா மற்றும் அதனை ஒட்டியுள்ள பகுதிகளில் நிலவுகிறது.


Advertisement

இதனால் அடுத்த இரண்டு நாட்களுக்கு தமிழகம் மற்றும் புதுவையில் ஒரு சில இடங்களில் மழையோ அல்லது இடியுடன் கூடிய மழையோ பெய்யும் வாய்ப்பு இருக்கிறது. சென்னையை பொருத்த வரை ஒரு சில இடங்களில் மழை பெய்ய வாய்ப்புள்ளது. கடந்த 24 மணி நேரத்தில் சென்னை, வேலூர் மாவட்டத்தில் 7 செண்டி மீட்டர் மழை பதிவாகியுள்ளது. விழுப்புரம் மாவட்டம் உளுந்தூர்பேட்டையில் 6 செ.மீட்டர் மழையும், ராமநாதபுரம் மாவட்டம் கடலாடியில் 5 செ.மீட்டர் மழையும் பதிவாகியுள்ளது” என்று தெரிவித்தார்.

வீடியோ

Advertisement:

Advertisement

Advertisement
[X] Close