[X] Close

“தாய்க்குகூட அரசாங்க வீட்டை ஒதுக்காதவர் பிரதமர் மோடி” - திரிபுரா முதல்வர் 

PM-Modi---s-brother-is-an-auto-driver-says-Tripura-CM-Biplab-Deb

பிரதமர் மோடியின் சகோதரர் இன்னும் ஆட்டோ டிரைவராகவே இருக்கிறார் என திரிபுரா முதலமைச்சர் பிப்லாப் தேப் தெரிவித்துள்ளார்.


Advertisement

இந்திய ராணுவத்தின் சர்ஜிகல் ஸ்டிரைக்கின் ஓராண்டு கொண்டாட்டத்தில் திரிபுரா முதலமைச்சர் கலந்துக் கொண்டு பேசினார். அதில் “பிரதமர் மோடி 4 ஆண்டுகளாக இந்திய நாட்டின் பிரதமராக இருந்து வருகிறார். குஜராத்தின் முதலமைச்சராக 13 ஆண்டுகள் இருந்துள்ளார். ஆனாலும் அவரது குடும்பம் இன்னும் நடுத்தர வர்க்கமாக இருக்கிறது. அவரது அம்மா சிறிய வீட்டில் வசித்து வருகிறார். மோடியின் சகோதரர் இன்னமும் ஆட்டோ ஓட்டுநராகத்தான் இருக்கிறார்” என்று தெரிவித்தார். மேலும் “தனது அம்மாவுக்கு அரசாங்க வீட்டைக்கூட ஒதுக்காத வேறு எந்த நாட்டின் பிரதமரையும் பார்க்க முடியுமா?” என்று கேள்வி எழுப்பினார்.

“நாம் அவரிடமிருந்து கற்றுக்கொள்ள வேண்டும். குடும்ப வறுமை என்பது பாவம் இல்லை; தாழ்வு மனப்பான்மையோடு இருப்பதுதான் உண்மையான வறுமை. நானும் ஏழ்மையான குடும்பத்திலிருந்து வந்தவன்தான். ஆனாலும் மனதளவில் ஏழை இல்லை, அதனால்தான் மக்கள் என்னை ஒரு நாட்டின் முதலமைச்சராக அமர வைத்துள்ளனர்” என்று தெரிவித்தார்.


Advertisement

இரண்டு ஆண்டுகளுக்கு முன்பு மோடியின் சகோதரர் என்று ஒரு ஆட்டோ ஓட்டுநரின் புகைப்படம் வைரலானது. ஆனால் அவருக்கும் பிரதமர் மோடிக்கும் எந்தத் தொடர்பும் இல்லை என்று பின்னர் தெரியவந்தது. 

மகாபாரத காலத்திலேயே இணையம், செயற்கைகோள் இருந்ததாக கூறி சமூக வலைத்தளங்களில் பலரின் கிண்டலுக்கு ஆளானவர் திரிபுரா முதலமைச்சர் என்பது குறிப்பிடத்தக்கது.


Advertisement

Advertisement
[X] Close