[X] Close

மொபைல் திருடர்கள் மூன்று பேருக்கும் ஒரே மாதிரி அடி: போலீஸ் வேலையா?

Mobile-snatchers-slip-and-injured-in-Police-station-

போலீசாரிடம் இருந்து செல்போன் திருடியதாக கைது செய்யப்பட்ட 3 இளைஞர்கள் கையில் கட்டுப்போட்டு இருக்கும் புகைப்படங்கள் சமூக வலைத்தளங்களில் வெளியாகி உள்ளது.

மந்தைவெளி பேருந்து நிலையம் அருகே ஆயுதப்படை காவலர் ஒருவர் கடந்த 2-ஆம் தேதி நடந்து சென்றிருக்கிறார். அப்போது பல்சர் பைக்கில் வந்த மூன்று நபர்கள் காவலரின் கைப்பேசியை பறித்துச் சென்றனர். இதுமட்டுமல்லாமல் மயிலாப்பூர் பகுதியில் ஆங்காங்கே செல்போன் பறிப்பு சம்பவங்கள் அடிக்கடி நடைபெற்று வந்ததால் போலீசார் தனிப்படை அமைத்து விசாரணையை தீவிரப்படுத்தினர்.

இந்நிலையில் போலீசார் நேற்று வாகன சோதனையில் ஈடுபட்டிருந்த போது, பைக்கில் வந்த 3 இளைஞர்கள் போலீசாரை கண்டதும் தப்பிக்க முயன்றுள்ளனர். அவர்களை போலீசார் மடக்கிப் பிடித்து விசாரணை மேற்கொண்டதில் அவர்கள் பல்வேறு திருட்டு சம்பவங்களில் ஈடுபட்டது தெரியவந்தது. இதனையடுத்து போலீசார் அவர்களை கைது செய்தனர். இதுதவிர இவர்களின் கூட்டாளியான மற்றொரு நபரும் கைது செய்யப்பட்டார். இவர்களிடமிருந்து இருசக்கர வாகனங்கள் மற்றும் திருடப்பட்ட பொருட்கள் பறிமுதல் செய்யப்பட்டன.


Advertisement

இந்நிலையில் போலீசாரிடம் இருந்து செல்போன் திருடியதாக கைது செய்யப்பட்ட இளைஞர்களில் 3 பேர் கையில் கட்டுப்போட்டு இருக்கும் புகைப்படங்கள் சமூக வலைத்தளங்களில் வெளியாகி உள்ளது. மேலும் அவர்கள் மூவருக்கும் ஒரே மாதிரி வலது கையில் அடிபட்டு கட்டு போடப்பட்டுள்ளது. ஒருவர் வாயை பொத்திக் கொண்டும், மற்றொருவர் கண்களை மூடிக்கொண்டும், இன்னொரு நபர் காதை மூடிக் கொண்டும் காந்தி பொம்மைகளை போல் உட்கார்ந்து இருப்பதாக அந்தப் புகைப்படம் உள்ளது. அதாவது ‘கெட்டதை பார்க்க மாட்டோம்,கெட்டதை பேச மாட்டோம், கெட்டதை கேட்க மாட்டோம்’ என்பதை உணர்த்தும் விதமாக அவர்கள் போட்டோவுக்கு போஸ் கொடுத்துள்ளார்கள்.

இந்நிலையில் இந்த மூவரும் காவல்நிலையத்தில் வழுக்கி விழுந்ததில் அடிபட்டதாகவும் சமூகவலைத்தளங்களில் கூறப்படுகிறது. இதில் ஒரு இளைஞரின் பெயர் ‘பேய்குழந்தை’ என்பது குறிப்பிடத்தக்கது.


Advertisement

Advertisement

Advertisement
[X] Close