[X] Close

ஐஃபா விழாவில் மூன்று விருதுகளை அள்ளிய இறுதிசுற்று

Iruthi-Sutru-bags-three-awards-in-IIFA

மாதவன் நடித்த இறுதிசுற்று திரைப்படம் ஐஃபா விருது வழங்கும் விழாவில் மூன்று விருதுகளை அள்ளியது.

சர்வதேச இந்திய திரைப்பட அகாடமி (ஐஃபா) விருது வழங்கும் விழா ‘ஐஃபா உற்சவம்’ என்ற பெயரில் ஐதராபாத்தில் நடந்து வருகிறது. தமிழ், தெலுங்கு, மலையாளம், கன்னடம் ஆகிய தென்னிந்திய மொழித் திரைப்படத்துறைக்கான விருது வழங்கும் இவ்விழாவில், நேற்று தமிழ், மலையாளப் படங்களுக்கான விருதுகள் வழங்கப்பட்டன.

சுதா கொங்கரா பிரசாத் இயக்கத்தில் மாதவன், ரித்திகா சிங் நடித்த இறுதிசுற்று திரைப்படம் சிறந்த திரைப்படத்திற்கான விருதை வென்றது. மேலும் இந்த திரைப்படத்திற்காக மாதவன் சிறந்த நடிகருகான விருதையும், ரித்திகா சிங் சிறந்த நடிகைக்கான விருதையும் பெற்றனர். இந்த விழாவில் பேசிய மாதவன், “இறுதிசுற்று எனக்கு ஒரு முக்கியமான படம். தமிழ் சினிமாவில் எனக்கு மறுமுறை வாய்ப்பளித்து இந்த படம். இயக்குனர் சுதாவின் ஸ்கிரிப்ட் எனக்கு மிகவும் பிடித்து போனதால், நான் தயாரிப்பு மற்றும் ஸ்கிரிப்டிங் ஆகியவற்றிலும் ஈடுபட்டேன். இந்த விருது மிகவும் மகிழ்ச்சியளிக்கிறது”என்று கூறினார்.


Advertisement
Advertisement:

Advertisement

Advertisement
[X] Close