இந்த 2 வா, அந்த 2 வா? களத்தில் குதித்த ரசிகர்கள்

இந்த வருடம் தென்னிந்திய சினிமாவில் இரண்டு பிரமாண்ட படங்கள் உருவாகியுள்ளன. ஒன்று, இயக்குனர் ஷங்கர் இயக்கத்தில் ரஜினி, எமி ஜாக்சன் நடித்துள்ள ’2.ஓ’. படத்தின் பட்ஜெட் 400 கோடி ரூபாய்க்கும் மேல். தீபாவளிக்கு ரிலீஸ் ஆகிறது படம்.

இதே நேரம் ராஜமவுலி இயக்கத்தில், பிரபாஸ், ராணா நடித்துள்ள படம், ‘பாகுபலி 2’. இதன் பட்ஜெட் 250 கோடி ரூபாய்க்கு மேல் என்கிறார்கள். இந்தப் படம் அடுத்த மாதம் 28-ம் தேதி ரிலீஸ் ஆகிறது.

ஒரே வருடத்தில் இரண்டு பிரமாண்ட பட்ஜெட் படங்கள் தென்னிந்தியாவில் உருவாகி ரிலீஸ் ஆக இருப்பதால், இந்திய சினிமா ரசிகர்கள் ஆச்சரியத்தில் மூழ்கியுள்ளனர்.

2.ஓ படத்தின் சேட்டிலைட் உரிமை 110 கோடி ரூபாய்க்கு விற்பனை ஆகியிருக்கிறது. இந்தியாவில் ஒரு படத்தின் சேட்டிலைட் உரிமை இந்தளவுக்கு விற்றிருப்பது இதுதான் முதன் முறை என்கிறார்கள் சினிமா துறையினர். இதே போல பாகுபலி 2 படத்தின் சேட்டிலைட் உரிமை, 80 கோடி ரூபாய்க்கு விற்பனை ஆகியிருக்கிறது.

இந்த பிசினசை வைத்து, பாகுபலி 2 பெஸ்டா, 2.ஓ பெஸ்ட் படமா? என்கிற கருத்து மோதலில் ரசிகர்கள் இப்போதே இறங்கியுள்ளனர்.