[X] Close

எப்படி கொள்ளை அடித்தோம்..? செய்துகாட்டிய கொள்ளையர்கள்.. 

Theft-in-ATM-in-Chennai

சென்னை ஏடிஎம் மையத்தில் எப்படி கொள்ளை அடித்தோம் என்பதை வட மாநில கொள்ளையர்கள் காவல்துறையினரிடம் செய்து காட்டினர்.

சென்னை அண்ணாசதுக்கம் அருகே எழிலகத்தில் உள்ள எஸ்பிஐ ஏ.டி.எம் மையத்தில் வாடிக்கையாளர்களின் பணம் கொள்ளை அடிக்கப்படுவதாக அங்குள்ள காவல் நிலையத்திற்கு கடந்த 3 மாதங்களுக்கு முன் 5 புகார்கள் வந்திருக்கின்றன. இது குறித்து அண்ணாசதுக்கம் காவல் ஆய்வாளர் தீபா தனிப்படை அமைத்து விசாரணை நடத்தினார். அப்போது அங்கிருக்கும் சிசிடிவி கேமராக்களில் பதிவான காட்சிகள் ஆய்வு செய்யப்பட்டிருக்கின்றன. அதில் வட மாநில இளைஞர்கள் ஏடிஎம் கொள்ளையில் ஈடுபட்டது தெரியவந்திருக்கிறது. இதனை அடுத்து பீகாரை சேர்ந்த மனோகர் குமார், முன்னாகுமார் ஆகியோரை காவல் துறையினர் கைது செய்திருக்கின்றனர். 

இவர்களிடம் நடத்தப்பட்ட விசாரணையில் ஏடிஎம்மை பயன்படுத்தும் பயனாளர்கள் அருகே நின்று அவர்கள் பதிவு செய்யும் ரகசிய எண்ணை கண்காணித்து கொள்ளையில் ஈடுபட்டது அம்பலமாகியிருக்கிறது. மேலும் கொள்ளையடித்த உடன் அவர்கள் விமானம் மூலம் பீகார் தப்பிச்சென்றதும் தெரியவந்திருக்கிறது. இந்த திட்டத்தை எப்படி அவர்கள் செயல்படுத்துகிறார்கள் என காவல் ஆய்வாளர் தீபா முன்னிலையில் அவர்கள் செய்து காண்பித்துள்ளனர். இந்நிலையில் இந்த கொள்ளை சம்பவங்களில் ஈடுபட்ட மேலும் இருவர் குறித்து காவல் துறையினர் தீவிரமாக விசாரித்து வருகின்றனர்.
 


Advertisement

Advertisement

Advertisement
[X] Close