ஆப்பிள் மூலம் அமெரிக்காவுக்கு செக் வைத்த இந்தியா

ஆப்பிளுக்கான இறக்குமதி வரியை இந்தியா அதிகரித்திருப்பது தங்களை கடுமையாக பாதிக்கும் என அமெரிக்கா தெரிவித்துள்ளது. 

ஆப்பிளுக்கு வரியை அதிகரிக்கும் இந்தியாவின் முடிவு சர்வதேச வர்த்தக ஒப்பந்தங்களுக்கு எதிரானது என்று கூறி அமெரிக்க நாடாளுமன்ற உறுப்பினர்கள் சிலர் தங்கள் அரசிற்கு கடிதம் எழுதியுள்ளனர். ஆப்பிள்களுக்கான இறக்குமதி வரியை இந்தியா 30 சதவிகிதத்தில் இருந்து 80 சதவிகிதமாக உயர்த்தியதை தொடர்ந்து அமெரிக்காவின் அதிருப்தி வெளியாகியுள்ளது. அலுமினியம் மற்றும் உருக்கிற்கான வரியை அமெரிக்கா உயர்த்திய நிலையில் அதற்கு பதிலடி நடவடிக்கையாக ஆப்பிளுக்கு இந்திய அரசு வரியை உயர்த்தியது. அமெரிக்காவின் வாஷிங்டன் பகுதியில் உற்பத்தியாகும் ஆப்பிள்களில் 90% இந்தியாவிற்கு ஏற்றுமதியாவது குறிப்பிடத்தக்கது