ஃபேஸ்புக் பழக்கம் மூலம் வந்த நட்பால் பரிதவிக்கும் இளம்பெண்..!

மயக்க மருந்து கொடுத்து தன்னை இளைஞர் ஒருவர் பாலியல் வன்கொடுமை செய்துவிட்டதாக பெண் ஒருவர் புகார் கூறியுள்ளார்.

ஹைதராபாத்தை சேர்ந்தவர் சுதா (பெயர் மாற்றப்பட்டுள்ளது). இவருக்கும் உபேந்திர வெர்மா என்பவருக்கும் கடந்த 4 வருடங்களுக்கு முன் ஃபேஸ்புக் மூலம் பழக்கம் ஏற்பட்டிருக்கிறது. இதனையடுத்து இருவரும் நண்பர்களாக பழகி வந்திருக்கின்றனர். இந்நிலையில் தனக்கு மயக்க மருந்து கொடுத்து வெர்மா பாலியல் வன்கொடுமை செய்து விட்டதாக சுதா காவல் நிலையத்தில் புகார் மனு கொடுத்துள்ளார். மேலும் தன்னுடன் நெருக்கமாக எடுத்துக்கொண்ட புகைப்படங்களை இணையத்தில் வெளியிட்டு அசிங்கப்படுத்தி விடுவேன் என வெர்மா மிரட்டுவதாகவும் சுதா தன் புகார் மனுவில் குறிப்பிட்டுள்ளார்.

இதுதொடர்பாக வழக்குப்பதிவு செய்துள்ள போலீசார் வெர்மா மற்றும் அவருக்கு உதவியாக இருந்த பெண் உள்பட சிலரை கைது செய்து விசாரித்து வருகின்றனர்.