ராஞ்சி டெஸ்ட்: இந்திய அணி நிதான ஆட்டம்

ராஞ்சியில் நடைபெறும் ஆஸ்திரேலியாவுக்கு எதிரான மூன்றாவது டெஸ்ட்டில், முதல் இன்னிங்ஸில் முன்னிலை பெற இந்திய அணி போராடுகிறது.

மூன்றாம் நாள் முடிவில் இந்திய அணி 6 விக்கெட் இழப்புக்கு 360 ரன்கள் எடுத்துள்ளது. புஜாராவுடன் இணைந்து நிதானமாக ரன்கள் சேர்த்த முரளி விஜய் 82 ரன்களில் விக்கெட்டை இழந்தார். கேப்டன் விராத் கோலி, ரஹானே ஆகியோர் சொற்ப ரன்களில் ஆட்டமிழந்தனர். பொறுப்புணர்ந்து விளையாடிய புஜாரா டெஸ்ட் கிரிக்கெட்டில் 11-வது சதத்தை பூர்த்தி செய்தார். கருண்நாயர் 23 ரன்களிலும், அஸ்வின் 3 ரன்களிலும் வெளியேறினர். மூன்றாவது நாள் முடிவில் புஜாரா 130 ரன்களுடனும், சாஹா 18 ரன்களுடனும் களத்தில் உள்ளனர். ஆஸ்திரேலிய அணி தரப்பில் கம்மின்ஸ் 4 விக்கெட்டுகளை வீழ்த்தினார். 4 விக்கெட்டுகள் எஞ்சியுள்ள நிலையில் ஆஸ்திரேலிய அணியை விட 91 ரன்கள் பின்தங்கிய நிலையில் இந்திய அணி உள்ளது.